ខេត្តព្រះវិហារ ៖ លោកឧត្តមសេនីយ៍ត្រី ប៉ូច សុខជា បានរំលោភយកដីធ្លីរបស់ លោកស្រីអនុសេនីយ៍ឯក ឌុចគឹមយ៉ាន ហើយ ចំពោះករណីនេះគឺអធិការកិច្ចកងទព័ជើងគោកក៏បានកំណត់ឃើញថា ឧត្តមសេនីយ៍ត្រី
ប៉ូច សុខជា ពិតជាបានរំលោភបំពានយកដីលោកស្រី ឌុច គឹមយ៉ាន ពិតប្រាកដមែន ។
លោកពេជ្រស្រស់ប្រធានគណបក្សយុវជនកម្ពុជានិងជាសមាជិកឧត្តមក្រុមប្រឹក្សាពិគ្រោះផ្ដល់យោបល់ នៅថ្ងៃទី 17 ខែមករាឆ្នាំ ២០២០ លោកសរសេរសារនៅលើហ្វេសប៊ុកផ្លូវការថា “លោកស្រីអនុសេនីយ៍ឯក ឌុច គឹមយ៉ាន
អត្តលេខ ១៩០១៧៩ តំបន់សឹករងកំពង់ធំមានមុខងារជាលេខារងសឹករងត្រូវបានលោកឧត្តមសេនីយ៍ត្រី ប៉ូច សុខជា បានរំលោភយកដីធ្លីរបស់លោកស្រី ចំពោះករណីនេះគឺអធិការកិច្ចកងទព័ជើងគោកក៏បានកំណត់ឃើញថា ឧត្តមសេនីយ៍ត្រីប៉ូច សុខជា ពិតជាបានរំលោភបំពានយកដីលោកស្រី ឌុច គឹមយ៉ាន ពិតប្រាកដមែន ប៉ុន្តែមិនមានការអនុវត្តយកដីមកឲ្យលោកស្រី ឌុច គឹមយ៉ាន នៅឡើយនោះទេ….។
អ្នកធំស្រុកខ្ញុំមួយចំនួនគឺនៅតែប្រើអំណាចរបស់ខ្លួនបំពានអ្នកទន់ខ្សោយជាដរាប…។
លោកពេជ្រ ស្រស់ បានថ្លែងថា លោកផ្កាយ១ សូម្បីតែក្បាលដី 1 m ក៏មិនលើកលែងឲ្យដែរគឺរំលោភយក។ បើតាមតម្រុយគឺថាឧត្តមសេនីយ៍ត្រីប៉ូច សុខជា បានរំលោភបំពានទៅលើប្រជាពលរដ្ឋមានចំនួន៣គ្រួសារគឺ ១. លោកស្រី ឌុច គឹមយ៉ាន ដែលមានផ្ទៃដីចំនួន ៥m X 150 m។ ២. លោកស្រី អ៊ូ គន្ធា ដែលមានផ្ទៃដីមានទំហំចំនួន1m x 100m។ ៣. លោកស្រី វ៉ាត ស៊ីណា ដែលមាន ផ្ទៃដីជិត ៣ ហិកតា និងលុយខ្ចីមិនសងថែម ២ម៉ឺនដុល្លារទៀត ហើយសរុបទាំងថ្លៃដី៦ម៉ឺនដុល្លារ ទាំងខ្ចី ទាំងថ្លៃដី គឺ ៨ម៉ឺនដុល្លារ។
ចំពោះករណីខាងលើគឺត្រូវបានលោកអ៊ុង វុទ្ធី ជា អភិបាលរង ខេត្តព្រះវិហារទទួលយកទៅដោះស្រាយជូនបងប្អូនខាងលើទាំង០៣ គ្រួសារ នៅថ្ងៃអង្គារ៍សប្តាហ៍ក្រោយនេះ ៕ ដោយ៖កូឡាប
