តាកែវ៖ មន្ត្រីជំនាញសាខាកាំកុងត្រូលខេត្តតាកែវ រួមជាមួយនឹងមន្ត្រីមន្ទីរពាណិជ្ជកម្មខេត្ត នៅព្រឹកថ្ងៃច័ន្ទ ទី ២០ ខែ មករា ឆ្នាំ ២០២០នេះ បានធ្វើការចុះត្រួតពិនិត្យចំណីអាហារ ដែលដាក់លក់នៅក្នុងផ្សារអង្គតាសោម ស្រុកត្រាំកក់និងបានធ្វើការអប់រំណែនាំទៅដល់ក្រុមអាជីវករផ្សារតាកែវ ឲ្យដាក់លក់ទំនិញដែលមានសុវត្ថិភាព មានអនាម័យល្អ មិនដាក់សារធាតុគូមីដែលអោយប៉ះពាល់សុខភាពអ្នកប្រើប្រាស់ និងមិនហួសកាលបរិច្ឆេទប្រើប្រាស់ មុនពិធីបុណ្យចូលឆ្នាំប្រពៃណីជនជាត់ចិនដែលឈានចូលខាងមុននេះ ។
លោក ប៉ោ លាងគង់ ប្រធានសាខាកាំកុងត្រូលខេត្តតាកែវ បានមានប្រសាសន៍ថា នៅក្នុងការចុះត្រួតពិនិត្យចំណីអាហារ និងគ្រឿងឧបភោគ បរិភោគ ដែលកំពុងដាក់តាំងលក់នៅផ្សារអង្គតាសោម ស្រុកត្រាំកក់នេះ មន្ត្រីជំនាញបានធ្វើតេស្តលើទំនិញ១៤មុខដោយរកមិនឃើញមានសារធាតុគីមីនៅលើទំនិញទាំងអស់នេះទេ ដោយឡែកអំបិលរបស់ក្រុមហ៊ុនមួយចំនួនដែលកាលពីមុនមន្ត្រីជំនាញបានពិនឹត្យមិនឃើញដាក់សារជាតិអ៊ីយ៉ូត ក៏ប៉ុន្តែលើកនេះអំបិលទាំងអស់នេះត្រូវបានរកឃើញមានសារធាតុអ៊ីយ៉ូត បានន័យថាក្រុមហ៊ុនបានធ្វើការកែប្រែហើយ។
លោកប្រធានសាខាកាំកុងត្រូលខេត្តតាកែវបានថ្លែងបន្តថា ក្នុងការត្រូឲួតពិនឹត្យទំនិញនៅនៅផ្សារមុនបុណ្យចូលឆ្នាំចិននេះ មន្ត្រីជំនាញបានរកឃើញទឹកស៊ីអ៊ីវតែប៉ុន្មានដបប៉ុណ្ណោះដែលហួសការបរិឆ្ឆេទប្រើប្រាស់ ហើយទឹកស៊ីអ៊ីវនេះត្រូវបានមន្ត្រីយើងដកហូតទុកយកទៅដុតកម្ទេសចោលនិងបានធ្វើការណែនាំដល់អាជីវករឲ្យពិនឹត្យមើលរាល់មុខទំនិញដែលតាំងលក់មិនត្រូវឲ្យហួសការប្រើប្រាស់នោះទេ ព្រោះវាធ្វើឲ្យប៉ះពាល់ដល់សុខភាពអ្នកប្រើប្រាស់។
លោក ឆូយ សូលីណា មន្ត្រីជំនាញកាំកុងត្រូលដែលចុះធ្វើការពិសោធន៏លើមុខទំនិញដែលដាក់តាំងលក់នៅផ្សារអង្គតាសោមបានថ្លែងឲ្យដឹងថា មន្ត្រីជំនាញបានចុះត្រួតពិនឹត្យលើសសៃគុយទាវ បាញ់កាញ់ ប្រហឹតសាច់គោ ហតដក ដើម្បីរកសារធាតុគីមីបូរ៉ាក់ក៏ប៉ុន្តែជាលទ្ធផលគឺយើងមកមិនឃើញមានសារធាតុបូរ៉ាក់នោះទេ។
ដោយឡែកចំពោះបន្លែវិញគឺមានការពិនឹត្យទៅលើខ្ញី សណ្ដែកបណ្ដុះនិងបន្លែគ្រប់មុខដើម្បីរកសាធាតុសូដ្យូមសូហ្វីតឬម្សៅស ក៏មន្ត្រីជំនាញរកមិនឃើញនោះដែរ ហើយចំពោះគ្រឿងសមុទ្ររួមមានមឹក បង្គា ក្ដាម ក៏យើងបានធ្វើតេស្តរកសារធាតុហ្វមីលីន តែទោះបីជាយ៉ាងណាយើងរកមិនឃើញមានសារធាតុគីមីទាំងអស់នេះទេ ។
មន្ត្រីជំនាញកាំកុងត្រូលបានមាប្រសាសន៍បន្តថា ការរកមិនឃើញមានសារធាតុគីមីនៅលើបន្លែ ផ្លែឈើ ប្រហឹត គ្រឿងសមុទ្រ វាបានបង្ហាញថាបងប្អូនអាជីវករយើងកាន់តែមានការយល់ដឹងពីសុវត្ថិភាពចំណីអាហារដោយមិនដាក់សាធាតុគីមីដែលច្បាប់ហាមឃាត់និងនាំឲ្យប៉ះពាល់ដល់សុខភាពបងប្អូនប្រជាពលរដ្ឋដែលទិញយកទៅប្រើប្រាស់៕ ដោយ ៖ តាកែវ
