ប្រធានាធិបតីអាមេរិច ដូណាល់ ត្រាំ និយាយថា លោកស្ម័គ្រចិត្តជួយចិនគ្រប់បែបយ៉ាងក្នុងករណីចាំបាច់ ដើម្បីគ្រប់គ្រងការផ្ទុះវីរុសកូរ៉ូណា នៅកណ្តាលទីក្រុងវូហាន ដែលវីរុសដ៏អាថ៌កំបាំងនេះបានសម្លាប់មនុស្សជាង ១០០នាក់ និងចម្លងទៅកាន់មនុស្សជិត ៥.០០០នាក់ទូទាំងពិភពលោក។
លោក ត្រាំ ថ្លែងក្នុង Twitter ដូច្នេះថា “ពួកយើងបានទាក់ទងគ្នាយ៉ាងជិតស្និទជាមួយនឹងចិនជុំវិញបញ្ហាវីរុស”។
“មានករណីតិចតួចប៉ុណ្ណោះកើតឡើងនៅអាមេរិច ប៉ុន្តែយើងធ្វើការតាមដានយ៉ាងខ្លាំង។ ពួកយើងបានផ្តល់ឲ្យចិន និងប្រធានាធិបតី ស៊ី ជីនពីងនូវការជួយគ្រប់បែបយ៉ាងដែលចាំបាច់។ អ្នកជំនាញរបស់ពួកយើងពិតជាមិនធម្មតាទេ”។
នាយករដ្ឋមន្ត្រីចិន Li Keqiang នឹងធ្វើការពិនិត្យ និងត្រួតត្រាដោយផ្ទាល់ទៅលើកិច្ចប្រឹងប្រឹង ដើម្បីគ្រប់គ្រងការផ្ទុះវីរុសនោះ និងសន្យាបន្ថែមកន្លាំង ខណៈដែលអាជ្ញាធរប្រចាំខេត្តបានប្រឈមនឹងការចោទប្រកាន់ពីសាធារណៈថា បរាជ័យក្នុងការចាត់វិធានការឲ្យទាន់ពេលវេលា។
សូមបញ្ជាក់ថា រហូតមកដល់ពេលនេះ អ្នកស្លាប់ដោយសារវីរុសកូរ៉ូណា (Coronavirus) បានកើនឡើងដល់ ១០៧នាក់ហើយ ខណៈដែលការឆ្លងទូទាំងពិភពលោក មានចំនួន៤.៤៧៤ករណី ក្នុងនោះមានការឆ្លងនៅចិនចំនួន ៤.៤០៩ករណី៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia