ប្តីប្រពន្ធនៅអង់គ្លេស ២រូប បានឃើញផ្ទាល់ភ្នែកនូវហេតុការណ៍កម្រមានមួយ ខណៈពេលទារកក្នុងផ្ទៃស្ត្រីជាម្តាយ ស្រាប់តែងាកសម្លឹងកាមេរ៉ា រួចថែមទាំងលើកដៃគ្រវី…!។
Stuart Barrett និងភរិយា Lucy Bearley មានផ្ទៃពោះនៅសប្តាហ៍ទី ២៨ ពួកគេរស់នៅ Berkshire ហើយថ្មីៗនេះពិតជាជួបប្រទះរឿង “ស្លុតអារម្មណ៍” មួយ ខណៈពេលទៅធ្វើអេកូផ្ទៃពោះនៅមន្ទីរពេទ្យ។
Lucy និយាយប្រាប់ថា ៖ “ខ្ញុំកំពុងដេកផ្អៀង ហេតុនេះពិបាកមើលឃើញរូបភាពច្បាស់។ ប៉ុន្តែ Stuart ស្រាប់ផ្ទុះសំឡេងថា មើលហ្ន៎ កូនកំពុងគ្រវីដៃ ហើយក៏សុំឲ្យគ្រូពេទ្យពិនិត្យសារឡើងវិញ ខណៈពេលនោះ។ សំណាងល្អដែល Clip នេះត្រូវបានរក្សាទុក។ យើងខ្ញុំពុំត្រឹមឃើញវាគ្រវីដៃទេ ថែមទាំងងាកក្បាលមកមើលពួកយើងទៀត”។
Lucy ពោលបន្តថា ៖ “អ្នកបច្ចេកទេសអេកូ និយាយថា នាងពុំធ្លាប់ប្រទះទិដ្ឋភាពបែបនេះម្តងណាឡើយ ហើយពួកយើងបានយកវា ទៅសួរឆ្មប ពួកគេក៏ប្រាប់ដូចគ្នាថា វាជារឿងចម្លែក។
តាម Stuart ជាស្វាមីវិញនោះ ក្រោយពេលពួកគេបង្ហោះផ្សាយលើបណ្តាញសង្គមពិតជាមានរឿងច្រើន ខ្លះសរសេរថា ទារកពិតជាគួរឲ្យស្រឡាញ់ ខណៈពេលអ្នកខ្លះថា ៖ ចម្លែកជ្រុល! អ្នកទាំង២ គប្បីរកគ្រូដើម្បីបណ្តាញឧបទ្រពចង្រៃពេលកូននេះកើតចេញមក!។
ប្រិយមិត្តទស្សនា Clip ហើយតាមនោះ យោបល់២ ខាងលើនេះមួយណាត្រឹមត្រូវ!?។ អាទិត្យ
