ភ្នំពេញ ៖ អគ្គិភ័យឆាប់ឆេះផ្ទះប្រជាពលរដ្ឋអស់ជាច្រើនខ្នង អមតាមអតីតផ្លូវរថភ្លើង ស្ថិតក្នុងភូមិបាក់ទូក សង្កាត់ទួលសង្កែទី១ ខណ្ឌឫស្សីកែវ នាម៉ោង៩និង២០នាទីថ្ងៃទី២៥ ខែកុម្ភៈ ឆ្នាំ២០២០ ។
បន្ទាប់ពីរថយន្តពន្លត់និងបង្ការអគ្គិភ័យប្រើប្រាស់ទឹកអស់ ជាច្រើនគ្រឿង រួចមកធ្វើឲ្យអគ្គិភ័យ បានរលត់វិញទាំងស្រុង ក្នុងរយៈពេលប្រមាណជាង១ម៉ោងក្រោយមក។
បើតាមរបាយការណ៍ ស្តីពីករណីអគ្គិភ័យឆាបឆេះផ្ទះ មូលហេតុបណ្តាលមកពីផ្ទុះកំប៉ុងហ្គាស ពេលកំពុងដាំសម្ល ទើបបង្កជាអគ្គិភ័យឆាបឆេះបែបនេះ ។
ចំពោះអ្នកគ្រោះថ្នាក់ គឺមិនបណ្ដាលឲ្យមានមនុស្សស្លាប់ និងរបួសឡើយ។ ប្រើប្រាស់រថយន្តពន្លត់អគ្គិភ័យសរុប ៤៣គ្រឿង។ អគ្គិភ័យខាងលើបានរលត់ទាំងស្រុងនៅវេលាម៉ោង ១០និង៣០នាទី ថ្ងៃដដែល។
តាមរបាយការណ៍របស់សមត្ថកិច្ច បានឲ្យដឹងថា ការឆាបឆេះនេះ បណ្តាលឲ្យឆេះផ្ទះអស់១៥ល្វែង ប្រហែល១៦០បន្ទប់ ស្មើនឹង១៦០គ្រួសារ និងពុំបណ្តាលឲ្យឆេះរាលដាលដល់ផ្ទះអ្នកនៅក្បែរខាងឡើយ និងមិនមានអ្នករងរបួសនោះទេ៕ដោយ៖កូឡាប
