អ្នកបង្កើតគណិតវិទូ និងជាស្ត្រីទី១ជនជាតិអាមេរិកដើមកំណើតអាហ្វ្រិក ដែលបានជួយការងារនៅក្នុងអង្គការណាសាឲ្យខ្លាំងរឹងមាំ លោកស្រី Katherine Johnson បានស្លាប់ហើយកាលពីថ្ងៃច័ន្ទ ទី២៤ កុម្ភះ ឆ្នាំ២០២០ ក្នុងជន្មាយុ ១០១ ឆ្នាំ។
Nasa បានប្រកាសមរណភាពរបស់អ្នកស្រីនៅលើបណ្តាញសង្គម Twitter ដោយនិយាយថា វាជាការអបអរសាទរជីវិតរបស់អ្នកស្រី និងផ្តល់កិត្តិយសដ៏ធំធេងដល់ “កេរ្តិ៍ដំណែលនៃឧត្តមភាពរបស់អ្នកស្រី ដែលបានបំបែករបាំងពូជសាសន៍ និងសង្គម” ។
លោកស្រី Johnson បានគណនាទីតាំងកាំជ្រួច និងគន្លងផែនដី សម្រាប់បេសកកម្មអវកាសដំបូងរបស់ Nasa។
លោកស្រីត្រូវបានគេបង្ហាញឱ្យឃើញនៅក្នុងខ្សែភាពយន្តមួយ ដែលត្រូវបានតែងតាំងជាបេក្ខជនពានរង្វាន់អូស្ការឆ្នាំ ២០១៦ ។
ខ្សែភាពយន្តនេះនិយាយពីស្ត្រីជនជាតិអាមេរិកកាំងអាហ្វ្រិក ដែលមានជំនាញគណិតវិទ្យា ជួយដាក់អវកាសយានិកអាមេរិក John Glenn ទៅក្នុងគន្លងជុំវិញផែនដីក្នុងឆ្នាំ១៩៦២ ដោយលោកស្រីបានធ្វើការផ្អៀងផ្ទាត់ការគណនា ដែលធ្វើឡើងដោយកុំព្យូទ័រអេឡិចត្រូនិចថ្មីៗ មុនពេលការហោះហើររបស់គាត់ ។
លោកស្រី Johnson កាលពីពេលមុនបានគណនាគន្លងសម្រាប់ការហោះហើរអវកាសរបស់ Alan Shepard ដែលជាជនជាតិអាមេរិកដំបូងគេនៅក្នុងលំហ។
បែបនេះគឺជាជំនាញ និងកេរ្តិ៍ឈ្មោះរបស់អ្នកស្រី ហេតុនេះ លោកស្រីត្រូវតែធ្វើការម្ម៉ត់ចត់ណាស់ ព្រោះថា លោកស្រីនឹងបដិសេធការហោះហើរ ដរាបណាអ្នកស្រីបានផ្ទៀងផ្ទាត់ការគណនារួចរាល់ ។ លោកស្រីក៏បានជួយក្នុងការគណនាគន្លងសម្រាប់ជើងហោះហើរ Apollo 11 នៅឆ្នាំ ១៩៦៩ ទៅកាន់ឋានព្រះច័ន្ទ។
អ្នកគ្រប់គ្រងរដ្ឋបាលអង្គការ Nasa លោក Jim Bridenstine បានពណ៌នា លោកស្រីចនសុនថាជាមេដឹកនាំពីជំនាន់ត្រួសត្រាយរបស់យើង។
លោកបាននិយាយនៅក្នុងសេចក្តីថ្លែងការណ៍មួយថា លោកស្រី Johnson បានជួយប្រទេសជាតិរបស់យើងពង្រីកព្រំដែនអវកាស ព្រោះលោកស្រីបានបោះជំហានយ៉ាងធំ ដែលបានបើកទ្វារសម្រាប់ស្ត្រី និងមនុស្សជាច្រើនបានដឹង និងយល់ពីដំណើរស្វែងរកដែនភពផ្សេងៗទូទាំងសកល ៕ ដោយ៖ លឹម ហុង (ប្រភព៖ bbc)
