ថ្មីៗនេះ នៅលើបណ្តាញសង្គមបានផ្ទុះការរិះគន់ជាខ្លាំង ទៅលើស្ត្រីវ័យ៣០ក្រាស់ម្នាក់ដែលតាំងខ្លួនជាអ្នកមានធម៌អារ្យ សិល៍ពេញខ្លួន ឡើងលើទីខ្ពស់ឲ្យបងប្អូនពូមីង យាយតា ក្រាបបង្គំបត់ជើងលើកដៃសំពះស្តាប់ធម៌ទេសនារបស់ខ្លួន ។
ពិតណាស់ មហាជនផ្ទុះការរិះគន់ គឺដោយសារតែគេបានមើលឃើញជាក់ស្តែងថា បុគ្គលនេះហាក់មិនទាន់ជ្រះស្រឡះនឹងកាមគិលេសតណ្ហា និងព្រមទាំងរៀបចំខ្លួនឲ្យស័ក្តិសមជាអ្នកបួសពេញលេញនោះទេ ដោយនៅតែពាក់ស្បែកជើងកែងចោទ កាន់កាបូបយួរដៃយ៉ាងឡូយឆាយប្រៀបដូចដើរផ្សារអ៊ីចឹង។
ទន្ទឹមនឹងនេះ អ្នកប្រើប្រាស់បណ្តាញសង្គម បានលើកឡើងមតិស្រដៀងៗគ្នាថា ប្រសិនបើបណ្តែតបណ្តោយឲ្យបុគ្គលនេះ នៅតែបន្តសកម្មភាពយ៉ាងដូច្នេះ នឹងធ្វើឲ្យតម្លៃព្រះពុទ្ធសាសនាយើងចុះអាប់អោន ហេតុនេះ សូមអំពាវនាវដល់ស្ថាប័ន្តពាក់ព័ន្ធ ហៅបុគ្គលរូបនេះមកធ្វើការអប់រំ ដើម្បីបញ្ឈប់សកម្មភាពបែបនេះរបស់ខ្លួន ។
ទោះយ៉ាងណា ករណីនេះ យើងមិនដឹងថា បានកើតឡើងនៅក្នុងប្រទេសយើង ឬ ប្រទេសគេនោះទេ ៕ ដោយ៖ លឹម ហុង
