រូបភាព២សន្លឹកនេះបានធ្វើឲ្យមនុស្សជាច្រើន អាណិតខ្លោតចិត្តដល់សត្វក្របី២ក្បាល ដែលខំប្រឹងអូសរទេះរហូតដល់ថ្នាក់ដេកដួលនៅនឹងកន្លែង ព្រោះតែពុំអាចទ្រាំទ្រនឹងទម្ងន់ឈើរាប់រយគីឡូ ដែលម្ចាស់លោភលន់បង្ខំឲ្យអូសគ្មានប្រមាណកម្លាំងរបស់ពួកវា ។
នេះបើតាមការចែករំលែករបស់លោក Long Dara Omc បានសរសេររៀបសម្តែងនូវក្តីអាណិតអាសូរយ៉ាងដូច្នេះថា៖ «មនុស្សលោភលន់ចង់ក្រោយបានត្រឹមតែស្លាប់យកអ្វីទៅមិនបាន។ ចុះហេតុអី្វមនុស្សមួយចំនួនធ្វើបាបសត្វក្របីដល់ថ្នាក់នេះ មើលហើយអាណិត?? បងអើយអូនអស់កម្លាំងណាស់អូនអូសរទះលេងរួចហើយបងហឺុអូនដេកសិនទៅបងឈរម្នាក់ឯងក៏បាន អត្ថបទសត្វនិយាយគ្នា។» ដោយ៖ លឹម ហុង