ចំនួនអ្នកឆ្លងវីរុសកូរ៉ូណា ឬ COVID-19 នៅកូរ៉េខាងត្បូងបានកើនឡើងដល់ចំនួន ៥.៣២៨នាក់ហើយនៅថ្ងៃពុធនេះ ក្រោយអាជ្ញាធររកឃើញអ្នកផ្ទុកថ្មីចំនួន ៥១៦នាក់។ ទីក្រុង Daegu ដែលជាកន្លែងមានការផ្ទុះវីរុសខ្លាំង បានបង្ហាញសញ្ញានៃការធ្លាក់ចុះបន្តិចនៃការរាតត្បាត។
រដ្ឋាភិបាលកូរ៉េខាងត្បូងបានបញ្ចេញថវិការចំនួនជិត ១០ពាន់លានដុល្លារ ដើម្បីប្រយុទ្ធប្រឆាំងនឹងវីរុស និងបន្ថយការធ្លាក់ចុះនៃសេដ្ឋកិច្ច។
ក្រៅពីអ្នកឆ្លងដ៏ច្រើន ក៏មានមនុស្សចំនួន ៣២នាក់ ដែលភាគច្រើនជាមនុស្សវ័យចំណាស់មានជំងឺប្រចាំកាយ បានស្លាប់ដោយសារវីរុសខាងលើ។
ក្នុងចំណោមអ្នកឆ្លងថ្មីជាង ៥០០នាក់ មាន ៤០៥ករណីកើតនៅទីក្រុង Daegu និង ៨៩នាក់ទៀតឆ្លងនៅក្នុងខេត្ត North Gyeongsang។ ចំនួនអ្នកឆ្លងសរុបនៅក្នុងទីក្រុង Daegu មានចំនួន ៤.០០៦នាក់។ នេះបើតាមការបញ្ជាក់របស់មជ្ឍមណ្ឌលបង្ការ និងគ្រប់គ្រងជំងឺ៕
អត្ថបទប្រែសម្រួលដោយ៖ សុភ័ក្រ
ប្រភព៖ Yonhap
