នៅថ្ងៃព្រហស្បតិ៍នេះ ចិនបានប្រកាសថា មានអ្នកស្លាប់ថ្មីដោយសារវីរុសកូរ៉ូណា ចំនួន ៣១ នាក់ បណ្តាលឲ្យអ្នកស្លាប់សរុបកើនដល់ ៣.០១២ នាក់។
អ្នកស្លាប់ថ្មីទាំងអស់គឺស្ថិតនៅក្នុងខេត្តហូបេ កន្លែងដែលវីរុសមរណៈនេះផ្ទុះ។
ចំណែកការឆ្លងថ្មីមានចំនួន ១៣៩ ករណីនៅថ្ងៃពុធ ដែលកើនឡើងពី ១១៩ ករណីកាលពីថ្ងៃអង្គារ។
មកទល់ពេលនេះ មានអ្នកឆ្លងសរុបចំនួន ៨០.៤០៩ នាក់ក្នុងប្រទេសចិន ។
សូមបញ្ជាក់ថា វីរុសកូរ៉ូណា ឬ COVID-19 បានផ្ទុះឡើងដំបូងកាលពីខែធ្នូ ឆ្នាំមុន ក្នុងខេត្តហូបេ ប្រទេសចិន ហើយរហូតមកដល់ពេលនេះ វាបានរាតត្បាតដល់ជិត ១០០ ប្រទេសទូទាំងពិភពលោក៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia