ភ្នំពេញ៖បណ្ដាញសារព័ត៌មានបានផ្សព្វផ្សាយថា មានមនុស្សស្រីម្នាក់បានដួលស្លាប់មួយទៀតហើយ ដោយសារជំងឺកូរ៉ូណា កូវីដ19 នៅធនាគារកាណាឌីយ៉ារាជធានីភ្នំពេញ នៅថ្ងៃទី 5 មីនាឆ្នាំ ២០២០។ ប៉ុន្តែទោះជាយ៉ាងណាករណីនេះត្រូវបានអ្នកនាំពាក្យរដ្ឋ បាលរាជធានីភ្នំពេញ បញ្ជាក់ថាករណីប្អូនស្ត្រីម្នាក់នេះមិនបានស្លាប់នោះទេគឺបានរងរបួសបញ្ជូន ទៅព្យាបាលនៅមន្ទីរពេទ្យ កាល់ម៉ែត ហើយក៏មិនមានករណីជំងឺកូរ៉ូណានោះដែរ។
ប្អូនស្រី សំ សុវណ្ណចរិយា ជាបុគ្គលិកបម្រើការងារនៅធនាគារកាណាឌីយ៉ា បានដួលសន្លប់នៅក្នុងបន្ទប់ទឹកនៃអគារកាណាឌីយ៉ា នៅព្រឹកថ្ងៃទី ៥ ខែ មីនា ឆ្នាំ ២០២០ នេះ មិនស្លាប់ទេ ពេលពេលនេះប្អូនស្រីកំពុងសម្រាកព្យាបាលនៅមន្ទីរពេទ្យកាល់ម៉ែត ។
លោក មាស ម៉េតភក្តី អ្នកនាំពាក្យសាលារាជធានីភ្នំពេញ បានអោយដឹងថា ប្អូនស្រី សំ សុវណ្ណចរិយា មានជម្ងឺខ្យល់គរ មិនមានវីរ៉ុសកូរ៉ូណា Covid-19 និង មិនស្លាប់ ដូចការផ្សាយរបស់ ហ្វេសប៊ុក និង ព័ត៌មានមួយចំនួននោះទេ ៕ដោយ៖កូឡាប
