អ្នកជំនាញចិនបាននិយាយថា ការឆ្លងវីរុសកូរ៉ូណានៅទីក្រុងវូហានទំនងជានឹងធ្លាក់ដល់កម្រិតសូន្យនៅបំណាច់ខែមីនានេះ។
ការព្យាករណ៍នេះធ្វើឡើងក្រោយពេលអត្រានៃនាក់ឆ្លងថ្មីបានធ្លាក់ចុះជាបន្តបន្ទាប់ក្នុងរយៈពេលប៉ុន្មានសប្តាហ៏ចុងក្រោយនេះ។
គណៈកម្មការសុខាភិបាលចិនបាននិយាយថា កាលពីថ្ងៃពុធមានការឆ្លងថ្មីចំនួន ១៣៩ករណី ខណៈដែលការឆ្លងនៅថ្ងៃអង្គារមាន ១១៩ករណី និង ១២៥ករណីសម្រាប់ថ្ងៃច័ន្ទ។ តួលេខនេះជាការឆ្លងតិចបំផុតចាប់តាំងពីខែមករា។
សូមបញ្ជាក់ថា ចាប់តាំងពីមានការផ្ទុះវីរុសមរណៈនេះកាលពីខែធ្នូមក មនុស្សជាង ៣.០០០នាក់បានស្លាប់ និងជិត ៩០.០០០នាក់បានឆ្លង។ ចំណែកអ្នកជំងឺជាង ៥០.០០០នាក់ត្រូវបានព្យាបាលឲ្យជាសះស្បើយ និងបានចាកចេញពីមន្ទីរពេទ្យវិញ៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia