អ្នកនាំពាក្យរដ្ឋាភិបាលជប៉ុន លោក Yoshihide Suga បានថ្លែងនៅថ្ងៃព្រហស្បតិ៍នេះថាមានមិនការផ្លាស់ប្តូរឡើយលើគម្រោងរៀបចំព្រឹត្តិការណ៍អូឡាំពិច ដែលនឹងប្រព្រឹត្តិទៅនៅក្នុងខែកក្កដាខាងមុន។
លោកក៏បានបញ្ជាក់ទៀតថា មិនមានការចាំបាច់ក្នុងការប្រកាសអាសន្នឡើយ ក្នុងប្រទេសជប៉ុន ដោយសារការផ្ទុះវីរុសកូរ៉ូណា។
លោកថ្លែងក្នុងសន្និសីទថា ក្រុមអ្នកជំនាញបាននិយាយកាលពីដើមសប្តាហ៍នេះថា មិនមានការផ្ទុះវីរុសខ្លាំងឡើយនៅក្នុងប្រទេសជប៉ុន ដូច្នេះវាមិនចាំបាច់ប្រកាសគ្រោះអាសន្នឡើយ ប៉ុន្តែជប៉ុននៅតែរក្សាការប្រុងប្រយ័ត្ន ខណៈដែលវីរុសកំពុងបន្តរីករាលដាល។
បច្ចុប្បន្ន ជប៉ុនមានការឆ្លងវីរុសកូរ៉ូណាចំនួន ៦៣៩ករណី ដែលភាគច្រើនជាអ្នកដំណើរមកពីនាវាទេសចរណ៍ Diamond Princess ខណៈអ្នកស្លាប់មាន ១៥នាក់ប៉ុណ្ណោះ៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia