ភ្នំពេញ៖ លោក ពេជ្រ ស្រស់ ប្រធានគណបក្សយុវជនកម្ពុជា បានសរសេរសារលើហ្វេសប៊ុក នៅថ្ងៃទី១២ខែមីនានេះថា ករណីនារីម្នាក់ លោតពីលើខុនដូស្លាប់ ដោយមានតម្រុយភ្ជាប់ពាក់ព័ន្ធ ជាមួយនឹងឧកញ៉ាម្នាក់នោះ គឺសមត្ថកិច្ចគួររូតវាំងននខ្មៅឲ្យបាន
ដើម្បីពង្រឹងការអនុវត្តច្បាប់កម្ពុជា សម្តីមនុស្សមុនស្លាប់ គឺជាសម្តី ដ៏មានឥទ្ធិពលខ្លាំងណាស់។
លោកបានថ្លែងថា ដូច្នេះខ្ញុំស្នើសុំសមត្ថកិច្ចស្រាវជ្រាវស្វែងរកមូលហេតុ ដែលឈានដល់មាននារីម្នាក់លោតពីលើខុនដូស្លាប់ឲ្យបានច្បាស់លាស់ ដើម្បីបំបាត់ចម្ងល់មហាជន និងវែកមុខអ្នកធ្វើឲ្យនារីស្លាប់នោះ មកទទួលទោសតាមច្បាប់កម្ពុជា។
តើនរណាជាអ្នកនៅពីក្រោយ នៃការស្លាប់ស្រ្តី ឈ្មោះ ឃុន ស្រីស្រស់ និង កូន អាយុ៧ខែ ដែលនាំឲ្យ មហាជនចាប់អារម្មណ៍ជាខ្លាំង?
នារីរងគ្រោះឈ្មោះ ឃុន ស្រីស្រស់ អាយុ២៥ឆ្នាំ ស្នាក់នៅបន្ទប់លេខ៤០៣ ចំណុចខុនដូលេខ៨៧ ផ្លូវលេខ៩៩ ភូមិ៧ សង្កាត់បឹងត្របែក ខណ្ឌចំការមន បានបង្ហោះវីដេអូ ជេរ ឧកញ៉ា លាង ឃុន តាមហ្វេសប៊ុក Sri Nika មុនពេលលោតសម្លាប់ខ្លួន៕ដោយ៖កូឡាប
