Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

​ធ្លាប់តែ​ឃើញ​យន្ត​ហោះបុក​ផ្ទះ តែ​ឡូ​វ​នេះ ដល់វេន​រថយន្ត​លេង​ស្ទីល​តាម ហោះ​ទៅ «​ព្យួរ​ខ្លួន​» នឹង​បង្អួចផ្ទះ​​​យ៉ាង​សាហាវ​!

spot_img

មនុស្ស​២​នាក់​បាន​រងរបួស​ស្រាល នៅក្នុង​ហេតុការណ៍​គ្រោះថ្នាក់​ដ៏​មហា​ចម្លែក​អស្ចារ្យ​មួយ នៅពេលដែល​រថយន្ត​១​គ្រឿង​បាន​ហោះ​ទៅលើ​អាកាស និង​​បុក​ចូល​គ្រោងបង្អួចជាន់​ទី​២​នៃ​អគារ​ការិយាល័យ​ពេទ្យ​ឆ្មេ​ញ​មួួយ​កន្លែង នៅ​ទីក្រុង Santa Ana រដ្ឋ California កាលពី​ព្រឹក​ថ្ងៃអាទិត្យ កន្លងទៅនេះ ។​

​យោងតាម​ប៉ូលីស Santa Ana ឲ្យ​ដឹងថា ហេតុការណ៍​គ្រោះថ្នាក់​រថយន្ត​នេះ ត្រូវបាន​គេ​រាយការណ៍​ភ្លាមៗ នៅមុន​ម៉ោង ៥ និង ៣០ នាទី នៅ​ជិត​ផ្លូវ​ប្រសព្វ​រវាងផ្លូវ 17th និង French ។​

​អាជ្ញាធរ​ពន្លត់អគ្គីភ័យ Orange County និយាយថា រថយន្ត​នីសា​ន់​ពណ៌ Altima ១ គ្រឿង បាន​បើក​ក្នុង​ល្បឿន​ដ៏​លឿន​បំផុត ឆ្លងកាត់​ផ្លូវ 17th មុនពេល​វា​បុក​នឹង​ទ្រូង​ចែកផ្លូវ ហើយ​ហោះ​ទៅលើ​អាកាស និងបុកទម្លុះចូល​គ្រោង​អគារ​ជាន់​ទី​២ ។​

​ហេតុការណ៍​នេះ​បង្ក​ឲ្យ​កើតមាន​អគ្គីភ័យ​ឆាបឆេះ​តូច​មួយ ដែល​បណ្តាល​ឲ្យ​មនុស្ស​ម្នាក់​រងរបួស ប៉ុន្តែ អាច​គ្រប់គ្រង​ចុះ​ចេញពី​រថយន្ត​ដោយ​ខ្លួនឯង ។​

​ក្រុម​ពន្លត់អគ្គីភ័យ​ត្រូវបាន​បញ្ជូនមក​កាន់​ក​ន្លែ​ង​កើតហេតុ​ភ្លាមៗ​ផងដែរ ។ បន្ទាប់​មកដល់ ភ្លាមៗ​នោះ ពួកគេ​បាន​ប្រញាប់ប្រញាល់​ពន្លត់អគ្គីភ័យ និង​ជួយ​រំដោះ​មនុស្ស​ដែល​កំពុង​ជាប់​នៅក្នុង​រថយន្ត ។​

​ភ្លាមៗ​នោះ គេ​ពុំ​ដឹង​ច្បាស់​ថា អ្នកបើកបរ​រថយន្ត​នោះ បាន​ប្រើប្រាស់​គ្រឿងញៀន ឬ ស្រវឹងស្រា នោះទេ ។ ទោះយ៉ាងណា សមត្ថកិច្ច​នឹង​បើក​ការស៊ើបអង្កេត​ករណីនេះ​បន្តទៀត ៕ ចន្ទី

spot_img
×