វីដេអូចំនួន២ ដែលត្រូវបានចែក នាពេលថ្មីៗនេះ បានបង្កការភ្ញាក់ផ្អើល ផ្ទុះសំណើចពេញបណ្តាញសង្គមតែម្តង ខណៈឃើញមនុស្សចូលក្នុងដាយណូស័រ ដែលច្នៃពីថង់ប្លាស្ទិក ដើម្បីការពារឆ្លងជំងឺកូវីដ-១៩ នៅទីកន្លែងសាធារណៈ ខណៈក្នុងប្រទេសម៉ាឡេស៊ី កំពុងអនុវត្តវិធានការឃ្លាតឆ្ងាយពីសង្គម ។
វីដេអូទី១ បានបង្ហាញបុរសម្នាក់មានឈ្មោះថា T-Rex មកពី Kota Kinabalu, Sabah បានដឹកឆ្កែរបស់គាត់បណ្តើរតាមដងផ្លូវ ឆ្ពោះទៅកាន់ផ្សារនៅក្នុងតំបន់ ។ ចំណែកវីដេអូទី២ បានបង្ហាញឲ្យនារីម្នាក់ឈ្មោះ Betty Rahmad ក៏បានធ្វើរឿងដូចគ្នានេះផងដែរ ខណៈកំពុងស្ថិតនៅក្នុងផ្សារទំនើបទិញបន្លែ ផ្លែឈើ និងរបស់របរប្រើប្រាស់ផ្សេងៗ ។
តាមរយៈសកម្មភាពដ៏ប្លែកៗនេះ មនុស្សជាច្រើនបានកោតសរសើរថា ពួកគេពិតជាពូកែមែន ដែលចេះរកនឹកឃើញវិធីដ៏មានប្រសិទ្ធភាព ក្នុងការពារកូវីដ-១៩ ដែលកំពុងផ្ទុះនេះ ៕
ប្រែសម្រួល៖ លឹម ហុង (ប្រភព៖ worldofbuzz)
