ភ្នំពេញ៖ ប្រកាសព័ត៌មាន ស្ដីពីស្ថានភាព ជំងឺកូវីដ ១៩ដែលធ្លាប់ធ្វើឡើងនៅពេលយប់តាំងពីកើតជំងឺក៏កាចសាហាវនេះមក ដូរមកប្រកាសព័ត៌មានជូនដល់សាធារណជន ពេលព្រឹកវិញ ដោយចាប់ផ្ដើមពីម៉ោង ៩:០០ នាទី ទៅម៉ោង ១០:០០ នាទី ព្រឹក ។
ក្រសួងសុខាភិបាល នៅថ្ងៃទី២៧ ខែមីនា ឆ្នាំ២០២០នេះ បានបញ្ជាក់ជាថ្មីថា ចំនួនករណីកំពុងព្យាបាលនិងករណីជាសះស្បើយគិតត្រឹមថ្ងៃទី២៦ ខែមីនា ឆ្នាំ២០២០ មាន៖ អ្នកព្យាបាលជាសះស្បើយ សរុបចំនួន ១១នាក់ (បុរសចិន១នាក់ ស្ត្រីជនជាតិអង់គ្លេស១នាក់ និងបុរសជនជាតិខ្មែរឥស្លាម៩នាក់។ អ្នកមានវីរុសកូវីដ១៩ ដែលកំពុងសម្រាកព្យាបាលសរុប ៨៧នាក់ (ស្ត្រី២៤នាក់ និងបុរស៦៣នាក់) និង អ្នកមានវីរុសកូវីដ១៩ សរុបចំនួន៩៨នាក់ (ស្ត្រី២៥នាក់ និងបុរស៧៣នាក់)។
ក្រសួងទទួលបានលទ្ធផលពីវិទ្យាស្ថានប៉ាស្ទ័រកម្ពុជា នៅពេលយប់ចន្លោះពីម៉ោង២០ទៅម៉ោង២១ ជារៀងរាល់ថ្ងៃដោយហេតុថាផលដែលតម្រូវឲ្យមានការតេស្ត២ទៅ៣ដងក្នុងករណីខ្លះ ដើម្បីបញ្ជាក់ពីសុក្រិតភាពនៃលទ្ធផលហើយការចេញសេចក្តីជូនព័ត៌មានរបស់ក្រសួងសុខាភិបាល ស្តីពីករណីវីរុសកូវីដ១៩ នៅកម្ពុជាកន្លងមកត្រូវបានផ្សាយរៀងរាល់យប់នៃថ្ងៃនីមួយៗ ដើម្បីបងប្អូនសាធារណជន ទទួលបាននូវព័ត៌មានភ្លាមៗក្រោយពីទទួលលទ្ធផលពីវិទ្យាស្ថានប៉ាស្ទ័រកម្ពុជា៕ ដោយ៖កូឡាប
