ភ្នំពេញ៖ វីដេអូឃ្លីប បានបង្ហាញឲ្យឃើញពីសកម្មភាពប្រើអំពើហិង្សាដ៏អមនុស្សធម៌និងជាទង្វើចាត់ទុកព្រៃផ្សៃមួយ ទៅលើបុគ្គលិកក្រុមអគ្គិសនីម្នាក់ នៅស្រុកសាលាក្រៅ ខេត្តប៉ៃលិន ដោយសារតែរឿងផ្តាច់ភ្លើង ពីសំណាក់ក្រុមបក្ខពួកមេកងការពារព្រំដែនលេខ504 បានធ្វើឲ្យប្រជាពលរដ្ឋជាអ្នកប្រើប្រាស់បណ្តាញសង្គម ផ្ទុះកំហឹង ស្អប់ខ្ពើមយ៉ាងខ្លាំង ។
ជុំវិញបញ្ហាខាងលើនេះ បើតាមគណនីហ្វេសប៊ុកលោក San Prum បានបង្ហើបប្រាប់ដំណើររឿងខ្លះៗឲ្យយ៉ាងដូច្នេះថា៖ “មេកងការពារព្រំដែនលេខ504 ដឹកនាំកម្លាំង ទៅបង្កបញ្ហាវាយបុគ្គលិកអគ្គិសនី ដែលជាជនពិការ ដោយសារគេផ្តាច់អគ្គិសនី ព្រោះមិនបង់លុយច្រើនខែ ធ្វើឲ្យក្រុមលោកនាយខឹង នាំបក្ខពួកទៅបង្កហេតុនិងអុកឡុកប្រើហិង្សា ទៅលើបុគ្គលិកអគ្គិសនីដូចនេះទៅ តាមការឲ្យដឹងខ្លះៗរបស់ អ្នកផ្តល់ព័ត៌មាន ហេតុផលដែលមេកង504 យឺតពេលបង់លុយ ទៅខាងភ្លើងដូចនេះ ក៏ព្រោះលង់ខ្លូនចាញ់ល្បែងកាស៊ីណូយ៉ាងធ្ងន់ក យើងខ្ញុំនឹងរង់ចាំការស្រាយបំភ្លឺពី ខាងកងពល504″។
ចូលរួមបញ្ចេញមតិ ទៅលើរឿងលោកមេកងការពារព្រំដែនលេខ504ម្នាក់នោះ នាំបក្ខពួកមកប្រើអំពើហិង្សា មកលើបុគ្គលិកជនម្នាក់បែបនេះ ក្នុងនោះគណនីហ្វេសប៊ុកឈ្មោះ Aliza Daystar បានលើកឡើងថា៖”ទោះគាត់មានអត្តចរិកមិនសូវល្អយ៉ាងណាក្តី គាត់ជាជនពិការម្នាក់ យើងមិនត្រូវប្រើអំពើហិង្សាអញ្ចឹងទេព្រោះថា៖
១. ក្នុងនាមជាមន្ត្រីរាជការមានតួនាទីបម្រើជាតិមាតុភូមិ បម្រើរាស្ត្រ ត្រូវមានអត្តចរិកនិងបុគ្គលិកលក្ខណៈជាគំរូ នៃការគោរពដល់អ្នកដទៃ
២. មន្ត្រីរាជការក៏ជាប្រជាពលរដ្ឋដែរ មានតួនាទីដូចជាពលរដ្ឋដទៃដែរ ពោលគឺត្រូវទូរទាត់ប្រាក់ឲ្យបានទៀងទាត់ នៃការប្រើប្រាស់សេវាណាមួយនៅក្នុងសង្គម បើមិនធ្វើតាមបទបញ្ញត្តិ របស់ក្រុមហ៊ុនណាមួយដែលខ្លួនបានប្រើប្រាស់ គឺត្រូវប្រឈមមុខចំពោះរាល់ការពិន័យ ទៅតាមវិធានការរបស់ក្រុមហ៊ុននោះដូចពលរដ្ឋដទៃដែរ
៣. មិនត្រូវប្រមាថមាក់ងាយលើជនពិការ ដែលជាជនអសមត្ថភាពត្រូវបានគេលើកតម្កើង និងឲ្យតម្លៃដូចពលរដ្ឋទូទៅដែរ នោះអាចនឹងត្រូវផ្តន្ទាទោសពីបទបរិហារកេរ្តិ៍និងបៀតបៀនកេរ្តិ៍ខ្មាស់
អាស្រ័យហេតុនេះសូមមេត្តារាល់អ្នកមានសមត្ថកិច្ចទាំងឡាយ គោរពនិងប្រត្តិបត្តិកាតព្វកិច្ចរបស់ខ្លួន យ៉ាងខ្ជាប់ខ្ជួនទៅតាមច្បាប់មាត្រា របស់ប្រទេសជាតិ កុំឲ្យរាស្ត្រអាក់អន់ស្រពន់ចិត្តនិងអាប់ឱនកិត្តិយស ដល់មន្ត្រីរាជការដទៃដែលខិតខំដើម្បីជាតិ ( អង្គុយលើច្បាប់ស្មើរនឹងប្រមាថច្បាប់ស្មើរនឹងប្រមាថជាតិ )” ។
រីឯគណនីហ្វេសប៊ុកឈ្មោះ “ស្នាមញញឹមរបស់ម៉ែ ជាក្តីសុខរបស់កូន” ក៏បានចូលរួមលើកឡើងដែរថា៖ “គាត់ជាបុគ្គលិកធ្វើការឲ្យគេទេ បើមិនមានបញ្ជាពីប្រធានគាត់ ក៏គាត់មិនកាត់ផ្តាច់ភ្លើងដែរ ហើយមួយទៀតឋានៈជាមេបញ្ជាការ ហើយហេតុអីមិនទៅនិយាយជាមួយ ប្រធានក្រុមហ៊ុន ម៉េចបានមកប្រើហឹង្សាទៅលើគាត់ ជាជនពិការដែលជាបុគ្គលិកបម្រើការឲ្យគេទៅវិញ…និយាយគ្នាក៏បានម៉េចបានធ្វើអ៊ីចឹង ធ្វើឲ្យខូចឈ្មោះខ្លួនឯងក៏ដូចកងកម្លាំងដ៏ទៃទៀត…:pensive::pensive::pensive:ហេតុអីមិនយកគំនិតមកគិតខ្លះ” ។
ទោះយ៉ាងណា នៅពេលនេះ មហាជនកំពុងរង់ចាំមើលថាតើ ចំណាត់ការរបស់ឯកឧត្តម ហ៊ុន ម៉ាណែត និងសម្តេចតេជោ ហ៊ុន សែន ទៅលើក្រុមបក្ខពួកទាហានខាងលើនេះយ៉ាងណា…? ៕ ដោយ៖ លឹម ហុង