ខេត្តស្វាយរៀង៖ មហាជនបានធ្វើការរិះគន់ចំៗចំពោះសមត្ថកិច្ចនគបាលស្រុកស្វាយជ្រំដែលបានដាក់គោលដៅអនុវត្តច្បាប់ចរាចរណ៍លើកំណាត់ផ្លូវជាតិលេខ៣១៥ត្រង់ចំណុចភូមិទៃយាឃុំធ្លកស្រុកស្វាយជ្រំគឺគ្មានពាក់ម៉ាស់សុវត្ថិភាពនិងមានអាល់កុលលាងសម្អាតដៃមុនពេលទំនាក់ទំនងទទួលយកឯកសារពីអ្នកបើកបរយានយន្តធ្វើឲ្យមហាជនព្រួយបារម្ភខ្លាចឆ្លងមេរោគកូវីដ-១៩។
ករណីមហាជនរិះគន់នេះបានកើតឡើងនៅវេលាម៉ោង៧និង៤០នាទីព្រឹកថ្ងៃទី២៩មីនាឆ្នាំ២០២០នៅចំណុចភូមិទៃយាឃុំធ្លកស្រុកស្វាយជ្រំ។
ប្រភពបន្តទៀតថា នៅព្រឹកថ្ងៃកើតហេតុខាងលើសមត្ថកិច្ចនគរបាលស្រុកស្វាយជ្រំបានដាក់គោលដៅ ត្រួតពិនិត្យប័ណ្ណបើកបរយានយន្តបើអ្នកបើកបរយានយន្តណា គ្មានបណ្ណ័បើកបរត្រូវផាកពិន័យជាប្រាក់៤០ម៉ឺនរៀល បើភ្លេចប័ណ្ណបើកបរឲ្យអ្នកផ្ទះឆាតតាមហ្វេសប៊ុកត្រូវពិន័យ័២៥០០០រៀល។
ទាក់ទិនករណីនេះដែរ លោក ពិន អាន អធិការនៃអធិការដ្ឋាននគរបាលស្រុកស្វាយជ្រំបានមានប្រសាសន៍ថា សមត្ថកិច្ចនគបាលចរាចរណ៍បានដាក់គោលដៅនៅភូមិទៃយាគឺពិតជាមន្ត្រីនគរបាលចរាចរណ៍នៃអធិការដ្ឋាននគរបាលចរាចរណ៍ស្រុកស្វាយជ្រំចុះត្រួតពិនិត្យនិងអនុវត្តច្បាប់ចរាចរណ៍ចំពោះអ្នកបើកបរយានយន្ត អ្នកបើកបររថយន្តធុនតូចអត់ពាក់ខ្សែក្រវ៉ាត់ត្រូវផាកពិន័យជាប្រាក់២៥,០០០រៀលរថយន្តធំត្រូវផាកពិន័យ៥០,០០០រៀល។
រីឯមហាជនរិះគន់ថា សមត្ថកិច្ចឈអនុវត្តច្បាប់ចរាចរណ៍អត់មានពាក់ម៉ាស់ការពារសុវត្ថិភាពទប់ស្កាត់ការឆ្លងមេរោគកូវីដ-១៩នោះគឺតាមពិតមន្ត្រីម្នាក់គាត់ឈរនៅគោលដៅហៅយានយន្តគឺគាត់មិនបានពាក់ម៉ាស់ទេដោយគាត់ជាប់មាត់ផ្លុមកាចែហើយអ្នកផ្សេងទៀតអាចអស់ម៉ាស់កន្លងមកគឺមានពាក់ម៉ាស់ជានិច្ចនិងមានទាំងរថយន្តចុះផ្សព្វផ្សាយដល់មហាជននូវគោលការណែនាំរបស់ក្រសួងសុខាភិបាលស្តីអំពីរបៀបការទប់ស្កាត់ការឆ្លងរាលដាលនៃមេរោគកូវីដ-១៩នៅតាមដងផ្លូវនៅតាមមូលដ្ឋានទៀតផងគឺសង្ស័យរវល់គិតរឿងលុយពិន័យវាសំខាន់ជាងមេរោគកូវីដ១៩ ទៅទៀតហើយមើលទៅពីព្រោះវាជាបញ្ហាសេដ្ឋកិច្ចគ្រួសារជាងសង្គម ។ ហើយបើមន្ត្រីនៅគោលដៅអស់ម៉ាស់ពាក់ចាំគាត់ឲ្យទៅទិញម៉ាស់មកពាក់វិញ។ក៏ប៉ុន្តែអ្វីដែលមហាជនហួសចិត្តនោះនៅពេលប្រជាពលរដ្ឋផ្តល់ព័ត៌មានជូនអ្នកសារព័ត៌មានចុះទៅថតយកព័ត៌មានត្រូវលោកស័ក្តិ៣ម្នាក់ចេញមកចង្អុលមុខហើយគំរាមវាយខ្នោះដោយនិយាយថាខ្ញុំមានសិទ្ធិវាយខ្នោះលោកឯងមកថតចុះផ្សាយដោយគ្មានការសុំអនុញ្ញាតជាមុន។ រីឯអ្នកយកព័ត៌មានរូបនោះឆ្លើយថា បងបើខ្ញុំសុំបងឯងមុនធ្វើម៉េចបានរូបភាពពិតបើចាំរៀបចំគឺមិនបានព័ត៌មានពិតទេ។ខណៈនោះដែរដោយមើលឃើញថា សមត្ថកិច្ចអត់មានអាល់កុលធ្វើអនាម័យសម្អាតដៃ អ្នកព័ត៌មានយើងក៏ឲ្យអាល់កុលមួយដបទៅសមត្ថកិច្ចសម្រាប់ប្រើប្រាស់ធ្វើអនាម័យសម្អាតដៃប្រជាពលរដ្ឋនិងសមត្ថកិច្ចមុនពេលចូលទំនាក់ទំងការងារផងដែរ។
សូមជម្រាបជូនមហាជនឲ្យបានជ្រាបថាចំពោះអ្នកបើកបរទោចក្រយានយន្ត(បើកម៉ូតូ)អត់ពាក់មួកសុវត្ថិភាពត្រូវផាកពិន័យជាប្រាក់៦០,០០០រៀល អត់កញ្ចក់មើលក្រោយពិន័យ១៥,០០០រៀល។ចំពោះអ្នកបើកបររថយន្តបើកបរលើសល្បឿនច្បាប់កំណត់ត្រូវផាកពិន័យជាប្រាក់១០ម៉ឺនរៀល បើកំពុងបើកបរនិយាយទូរស័ព្ទត្រូវផាកពិន័យ៨ម៉ឺនរៀល៕ ដោយ៖វ៉ៃកូ
