រដ្ឋមន្ត្រីក្រសួងការបរទេសឥណ្ឌូណេស៊ី នៅថ្ងៃអង្គារនេះ បាននិយាយថា រដ្ឋាភិបាលសម្រេចចិត្តហាមប្រាម មិនឲ្យជនបរទេសទាំងអស់ចូល និងឆ្លងកាត់ប្រទេសខ្លួនឡើយ ដើម្បីទប់ស្កាត់ការរីករាលដាលបន្ថែមនៃវីរុសកូរ៉ូណា។
ទោះយ៉ាងណា រដ្ឋមន្ត្រីការបរទេសឥណ្ឌូណេស៊ី អ្នកស្រី Retno Marsudi និយាយថា សម្រាប់ជនបរទេស ដែលមានលិខិតអនុញ្ញាតឲ្យស្នាក់នៅ និងការមកឥណ្ឌូណេស៊ីជាលក្ខណៈការទូត មួយចំនួននឹងត្រូវលើកលែង។
រដ្ឋាភិបាលក៏នឹងធ្វើការរឹតបន្តឹង លើការស្កេនលើជនជាតិឥណ្ឌូណេស៊ីទាំងអស់ ដែលបានត្រឡប់ចូលប្រទេសវិញផងដែរ។
សូមបញ្ជាក់ថា បើតាមតួលេខរបស់ សកលវិទ្យាល័យ Johns Hopkins ប្រទេសឥណ្ឌូណេស៊ីមានអ្នកឆ្លងសរុបត្រឹមតែ ជាង ១.៤០០នាក់ប៉ុណ្ណោះ ខណៈដែលអ្នកស្លាប់មានចំនួន ១២២នាក។
ប្រទេសឥណ្ឌូណេស៊ីមានប្រជាជនសរុបទាំងអស់ចំនួន ២៦៤លាននាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia/CSSE