ភ្នំពេញ៖រដ្ឋមន្ត្រីក្រសួងយុត្តិធម៌ ឯកឧត្តមកើត រិទ្ធ នៅល្ងាចថ្ងៃទី 31 ខែមីនា ឆ្នាំ 2020 បានចេញសេចក្តី ប្រកាសស្តីពីការពន្យារពេលដាក់ឲ្យដំណើរការជាផ្លូវការសាលាឧទ្ធរណ៍ខេត្តព្រះសីហនុ។
ឯកឧត្តមរដ្ឋមន្ត្រីក៏បានសម្រេចថា ត្រូវបានពន្យារពេលដាក់ឲ្យដំណើរការជាផ្លូវការសាលាឧទ្ធរណ៍ព្រះសីហនុដែលគ្រោងនឹងធ្វើដំណើរការនៅថ្ងៃទី 1 ខែមេសាឆ្នាំ 2020។
បើតាមឯកឧត្តមរដ្ឋមន្ត្រី ៖ ការដាក់ឲ្យដំណើរការជាផ្លូវការសាលាឧទ្ធរណ៍ព្រះសីហនុនឹងត្រូវកំណត់កាលបរិច្ឆេទនៅពីក្រោយតាមប្រកាសរបស់ក្រសួងយុត្តិធម៌។
ចំពោះសមត្ថកិច្ចជំនុំជម្រះរឿងក្តី ដែលស្ថិតនៅក្នុងសមត្ថកិច្ចដែនដីនៃសាលាឧទ្ធរណ៍ព្រះសីហនុត្រូវស្ថិតនៅក្រោមសមត្ថកិច្ចរបស់សាលាសាលាឧទ្ធរណ៍ភ្នំពេញ៕ដោយ៖កូឡាប
