Monday, November 28, 2022

អេ​ស្ប៉ា​ញ​មាន​អ្នកស្លាប់​ជិត ៨៥០​នាក់ ប៉ុន្តែ​ទំនោរ​នៃ​ការឆ្លង​ថ្មី​បន្ត​ធ្លាក់ចុះ​

spot_img

​ប្រទេស​អេ​ស្ប៉ា​ញ​បានប្រកាសថា មាន​អ្នកស្លាប់​បន្ថែមចំនួន ៨៤៩​នាក់​នៅ​ថ្ងៃ​អង្គារ ប៉ុន្តែ​មន្ត្រី​សុខាភិបាល​ប្រទេស​នេះ បាន​និយាយថា ទំនោរ​នៃ​ការឆ្លង​ថ្មី​បន្ត​ធ្លាក់ចុះ​។​

​បន្ទាប់ពី​អ៊ីតាលី ប្រទេស​អេ​ស្ប៉ា​ញ គឺជា​ប្រទេស​ដែលមាន​អ្នកស្លាប់​ច្រើន​បំផុត​ក្នុង​លោក ដោយ​វីរុស​មរណៈ​នោះបាន​ឆក់យក​ជីវិត​មនុស្ស ៨.១៨៩​នាក់​។​

​នៅពេល​ជាមួយគ្នានេះដែរ ចំនួន​ករណី​ឆ្លង​បាន​ហក់​ឡើងដល់ ៩៤.៤១៧​នាក់ ក្រោយពេល​មាន​អ្នក​ឆ្លង​ថ្មី​បន្ថែមចំនួន ៩.២២២​នាក់ មានការ​កើនឡើង​ប្រហែល ១១​ភាគរយ​។​

​ប្រទេស​ដែលមាន​ប្រជាជន​ជិត ៤៧​លាន​នាក់​នេះ ក៏បាន​ព្យាបាល​អ្នកជំងឺ​ច្រើនជាង ២.០០០​នាក់​ឲ្យ​ជាសះស្បើយ​ផងដែរ ក្នុង​រយៈពេល ២៤​ម៉ោង​ចុងក្រោយ ហើយ​តួលេខ​នៃ​អ្នកជា​សះស្បើយ​សរុប​បាន​កើន​ដល់ ១៩.២៥៩​នាក់​។​

​សូមបញ្ជាក់ថា អេ​ស្ប៉ា​ញ​កំពុង​ឈរ​នៅ​តំណែង​លេខ ៣ ជា​ប្រទេស​ដែលមាន​អ្នក​ឆ្លង​ច្រើន​បំផុត តាម​ពីក្រោយ​អ៊ីតាលី និង​អា​មេ​រិច និង​ជា​ប្រទេស​ទី ២ ដែលមាន​អ្នកស្លាប់​ច្រើន​បំផុត បន្ទាប់ពី​អ៊ីតាលី​៕

​អត្ថបទ​ប្រែ​សម្រួល​ដោយ​៖ សុ​ភ័​ក្រ​
​ប្រភព​៖ Channelnewsasia​