UN៖ Covid-19 គឺជា “វិបត្តិធ្ងន់ធ្ងរបំផុត” ចាប់តាំងពីសង្គ្រាមលោកលើកទី២ (២)
អគ្គលេខាធិការអង្គការសហប្រជាជាតិបានសង្កត់ធ្ងន់ថា “យើងកំពុងប្រឈមមុខនឹងវិបត្តិសេដ្ឋកិច្ចពិភពលោក មិនដូចវិបត្តិដទៃនៅក្នុងប្រវត្តិសាស្ត្រ ៧៥ ឆ្នាំ របស់អង្គការសហប្រជាជាតិ” ។
អគ្គលេខាធិការ អ.ស.ប លោក Antonio Guterres នៅថ្ងៃទី១ ខែមេសា បានហៅជំងឺរាតត្បាតកូវីដ -១៩ នេះថាជា“ វិបត្តិធ្ងន់ធ្ងរបំផុត” ដែលពិភពលោកបាននិងកំពុងប្រឈមមុខ ចាប់តាំងពីសង្គ្រាមលោកលើកទី២។
យោងតាមអ្នកឆ្លើយឆ្លងព័ត៌មានរបស់ទីភ្នាក់ងារសារព័ត៌មានវៀតណាម លោក Guterres ក៏បានអំពាវនាវឱ្យសហគមន៍អន្តរជាតិ ធ្វើការដោះស្រាយឱ្យបានស៊ីជម្រៅថែមទៀត ស្របតាមស្ថានភាពបន្ទាន់ នៃជំងឺរាតត្បាតដែលកំពុងរាតត្បាតនាពេលបច្ចុប្បន្ន។
លោកបានមានប្រសាសន៍ថា “យើងកំពុងប្រឈមមុខនឹងវិបត្តិសេដ្ឋកិច្ចពិភពលោក មិនដូចវិបត្តិដទៃទៀត នៅក្នុងប្រវត្តិសាស្ត្រ ៧៥ ឆ្នាំរបស់អង្គការសហប្រជាជាតិទេ” ។
វាបណ្តាលឱ្យស្លាប់ ការឈឺចាប់ និងការយល់ច្រឡំសម្រាប់ជីវិតមនុស្ស។ ប៉ុន្តែរឿងធំបំផុតគឺវិបត្តិមនុស្ស។ ព្រោះថា ជំងឺរាតត្បាតកូវីដ ១៩ បានកំពុងវាយប្រហារចំណុចស្នូលនៃសង្គមមនុស្ស។ ”
ផលប៉ះពាល់ដ៏មហន្តរាយមួយនៃជំងឺរាតត្បាត Covid-19 គឺថាវាអាចធ្វើឱ្យជម្លោះកាន់តែធ្ងន់ធ្ងរឡើងទូទាំងពិភពលោក។
រហូតមកដល់ព្រឹកនេះ ប្រជាជនចំនួន ៩៣៤.៨២៥ នាក់នៅទូទាំងពិភពលោក មានជំងឺ Covid-19 ដោយមានអ្នកស្លាប់ចំនួន ៤៧.១៨៩ នាក់។ ក្នុងចំណោមករណីឆ្លងបច្ចុប្បន្ន មនុស្សដល់ ៣៥.៤៧៨ នាក់ ស្ថិតក្នុងស្ថានភាពធ្ងន់ធ្ងរ។
ប្រទេសចំនួន ៥ ដែលមានអត្រាមរណភាពខ្ពស់ជាងគេគឺ៖ ប្រទេសអ៊ីតាលីមាន ១៣.១៥៥ ករណី អេស្ប៉ាញ ៩.៣៨៧ ករណី សហរដ្ឋអាមេរិក ៥.០៩៩ ករណី បារាំង ៤.០៣២ ករណី និងចិន ៣.៣១២ ករណី ៕
ប្រែសម្រួល៖ លឹម ហុង (ប្រភព៖ vietnamplus.vn)
