ភ្នំពេញ៖ នៅព្រឹកថ្ងៃទី ២ ខែ មេសា ឆ្នាំ ២០២០ សមត្ថកិច្ចជំនាញ របស់ស្នងការដ្ឋាននគរបាលរាជធានីភ្នំពេញ សហការជាមួយ នគរបាលអធិការខណ្ឌទួលគោក បានហៅលោកគ្រូ អគ្គីនេត មកសាកសួរ ពាក់ព័ន្ធនឹងការផ្សាយធ្វើយ័ន្តការពារ កូវីដ ១៩ ។ ពេលនេះសមត្ថកិច្ចកំពុងសួរចម្លើយ ។
សមត្ថកិច្ចបានកោះហៅគ្រូ អគ្គីនេតទៅ វាស់កម្ពស់ទៀតហើយ មូលហេតុចេញយ័ន្តការពារកូវីដ១៩បាន១០០ភាគរយ ខ្លាំងជាងក្រសួងសុខាភិបាលទៀត។
សូមបញ្ជាក់ថា គ្រូអគ្គីនេតនេះ ជាអតីតគ្រូទាយ និងលក់យ័ន្តមានប័ណ្ណធានា ហើយក៏ធ្លាប់សមត្ថកិច្ចចាប់ខ្លួនដាក់ពន្ធនាគារ ពាក់ព័ន្ធគ្រឿងញៀនផងដែរ។
ចំណែកឯកឧត្តម ហ៊ុន ជា បានសរសេរថា ខ្ញុំពាក់ព្រះច្រើនប៉ុណ្ណឹងនៅពាក់ម៉ាសការពាខ្លាចឆ្លង covid 19 ចុះល្បងឯងមានយ័ន្តអីដែរបាន ប៉ូលិសចូលចាប់ បែរជាមិនដឹងចឹង សូមជួយណែនាំផងល្បង ។
បើតាមផេកហ្វេសប៊ុកអគ្គិនេត្រ គ្រូល្បីមានប័ណ្ណធានា បានសរសេរថា ទាយលេខចង្រៃឬនាំសំណាង Free ចែកខ្នាយជ្រូកព្រៃអក្សរ C និងយ័ន្តការពារជំងឺ Free ងាប់កូរ៉ូណា”៕ដោយ៖កូឡាប
