ប្រទេសថៃ៖ បុរសជនជាតិអង់គ្លេសអាយុ ៦០ ឆ្នាំ ម្នាក់ ត្រូវបានស្លាប់ក្នុងឧប្បត្តិហេតុហោះហើរមួយ។ ខណៈគាត់កំពុងហោះហើរនៅពេលនោះ ឆត្រយោង (paramotor) របស់គាត់មានបញ្ហាម៉ាស៊ីន ហើយបានធ្លាក់មកដីភ្លាមៗ ស្ថិតនៅ Bang Saray Tambon ក្នុងស្រុក Sattahip ភាគខាងត្បូងប៉ាតាយ៉ា។
ប៉ូលិស និងក្រុមសង្គ្រោះ Bang Saray មកពីមូលនិធិ Sawangrot Thammasathan ត្រូវបានគេហៅទៅកន្លែងធ្លាក់ ដែលបានកើតឡើងនៅក្នុងវាលស្មៅក្បែរភូមិ Moo 11 ។
ប៉ូលិសបានរាយការណ៍ថា ពួកគេបានរកឃើញបុរសម្នាក់ ដែលរងរបួសធ្ងន់ កំពុងដេកនៅលើដី ក្បែរយានប៉ារ៉ាស៊ីតពណ៌ខ្មៅ។ គាត់ពាក់អាវយឺតពណ៌បៃតង និងខោប៉ារ៉ាជើងខ្លី។
បុរសនោះត្រូវបានគេជួយសង្គ្រោះបឋម ហើយបន្ទាប់មក ត្រូវបានបញ្ជូនទៅមន្ទីរពេទ្យ Wat Yanasangwararam ជាកន្លែងដែលក្រោយមក គាត់ត្រូវបានគេប្រកាសថាស្លាប់។
ប៉ូលិសបានសាកសួរអ្នករួមការងាររបស់គាត់ ដែលបាននិយាយថា បុរសវ័យចំណាស់នេះកំពុងបើកឆត្រយោង ដែលមានថាមពលរបស់គាត់នៅលើតំបន់នោះ ក្នុងវគ្គបណ្តុះបណ្តាល នៅពេលនោះ ស្រាប់តែម៉ាស៊ីនបានខូច។ គាត់បានព្យាយាមចុះចតជាបន្ទាន់ ប៉ុន្តែមិនបានជោគជ័យទេ៕
ប្រែសម្រួល៖ លឹម ហុង (Bangkok Post)
