Tuesday, October 4, 2022

ដោះស្រាយ​បញ្ហា​ប្រឈម​របស់​វិស័យ​អប់រំ ដាក់​កម្មវិធី​រៀន​ពី​ចម្ងាយ E-Learning តាម App របស់​ក្រសួង​ព័ត៌មាន​

spot_img

​ទីស្ដីការ​ ៖ ពាក់ព័ន្ធ​បញ្ហា​ប្រឈម​របស់​វិស័យ​អប់រំ នៅក្នុង​ដំណាក់កាល​នៃ​ជំងឺ Covid-19 ក្រសួង​ព័ត៌មាន និង​ក្រសួង​អប់រំ បាន​សហការ​អនុវត្ត​ការរៀបចំ និង​ផ្សព្វផ្សាយ​កម្មវិធី​រៀន​ពី​ចម្ងាយ E-Learning ឱ្យមាន​លក្ខណៈ​សម្បូរបែប​គ្រប់​ជ្រុងជ្រោយ និង​ប្រកបដោយ​សុពលភាព និង​ប្រសិទ្ធភាព​។​

​បើតាម​ការប្រកាស​រប​ស់​ក្រសួង​អប់រំ​យុវជន​និង​កីឡា បាន​ឲ្យ​ដឹងថា នា​ថ្ងៃទី​២ ខែមេសា ឆ្នាំ​២០២០​នេះ ឯកឧត្ដម​បណ្ឌិតសភា​ចា​រ្យ ហង់​ជួន ណា​រ៉ុ​ន រដ្ឋមន្ត្រីក្រសួង​អប់រំ យុវជន និង​កីឡា បានអនុញ្ញាត​ឱ្យ​ឯកឧត្ដម កឹម គុណ​វ​ឌ្ឍ និង​ឯកឧត្ដម ហួត ឃាង​វេ​ង រដ្ឋលេខាធិការ​ក្រសួង​ព័ត៌មាន ជួប​សម្ដែង​ការគួរសម និង​រាយការណ៍ ស្នើសុំ​កិច្ចសហការ​ជាមួយ​ក្រសួង​អប់រំ ក្នុងការ​ផ្សព្វផ្សាយ​កម្ម​វិធី​សិក្សា​ពី​ចម្ងាយ​ប្រព័ន្ធ​ទូរទស្សន៍ ផ្កាយរណប “​តេ​ជោ​ធី​វី​” ប៉ុស្តិ៍ “​ទ​ទក​២” ដែលជា​កម្មវិធី​ដោយឡែក​នៃ​ការងារ​អប់រំ និង​តាម App របស់​ក្រសួង​ព័ត៌មាន ក្នុង​គោលបំណង​សម្រួល​ដល់​សិស្សានុសិស្ស​ទូទាំងប្រទេស ទទួលបាន​សេវា​រៀនសូត្រ​ពី​ចម្ងាយ ដែល​ក្រសួង​អប់រំ យុវជន និង​កីឡា បាន និង​កំពុង​អនុវត្ត​នៅក្នុង​ដំណាក់​កាលដែល​ក្រសួង​បានដាក់​ឱ្យ​គ្រឹះស្ថានសិក្សា​ទូទាំងប្រទេស​អនុវត្ត​វិស្សមកាល​តូច​មុន​កាលកំណត់ ដើម្បី​ចូលរួម​ទប់ស្កាត់​ការរីក​រាលដាល​នៃ​ជំងឺ Covid-19​។​

​ឯកឧត្ដម​បណ្ឌិតសភា​ចា​រ្យ រដ្ឋមន្ត្រី​បាន​សម្ដែង​នូវ​ការថ្លែងអំណរគុណ​ចំពោះ​ក្រសួង​ព័ត៌មាន​ដែល​បាន​យកចិត្តទុកដាក់​ដល់​ប​ញ្ហា​ប្រឈម​របស់​វិស័យ​អប់រំ នៅក្នុង​ដំណាក់កាល​នៃ​ជំងឺ Covid-19 និង​ស្នើសុំ​ឱ្យមាន​ការរៀបចំ​ជា​អនុស្សរណៈ​យោគយល់​រវាង​ក្រសួង​ទាំងពីរ​ដើម្បី​សហការ​អនុវត្ត​ការរៀបចំ និង​ផ្សព្វផ្សាយ​កម្មវិធី​រៀន​ពី​ចម្ងាយ​នេះ​ឱ្យមាន​លក្ខណៈ​សម្បូរបែប​គ្រប់​ជ្រុងជ្រោយ និង​ប្រកបដោយ​សុពលភាព និង​ប្រសិទ្ធភាព​៕​ដោយ​៖​កូ​ឡាប​