បុរសសញ្ជាតិការណាដាម្នាក់ បានធ្វើរថយន្តក្លែងក្លាយអំពីព្រិលមួយ តែគាត់ពិតជាបានទទួលវិក័យប័ត្រពិន័យមែនទែនរបស់ប៉ូលិស។
តាមនោះ Simon Laprise រស់នៅ Montreal Canada បានច្នៃបង្កើតរយន្តមួយ ពីព្រិលសុទ្ធសាធជាប់ចិញ្ចើមថ្នល់។ គាត់ថា ពេលនោះ “មេឃស្រឡះល្អ” ហើយខ្ញុំអផ្សុក ក៏នឹកគិតថា គួរធ្វើអ្វីមួយពីគំនរព្រិលទាំងនោះ។ អាចជាល្បែងកំសាន្តមួយដូចជា “ចម្លាក់” ជារថយន្ត។” -លោក Simon ប្រាប់កាសែត Vice។
រថយន្តធ្វើពីព្រិល របស់ Simon Laprise
រថយន្តក្លែងក្លាយរបស់ Simon បាន “ចតចោល” ក្បែរចិញ្ចើមថ្នល់បានប៉ុន្មានថ្ងៃ លោកក៏យកផ្លិតទឹកម្ខាងមកបន្តុបពីលើដើម្បីឲ្យរថយន្តមើលទៅដូច… មែនទែន!។
គាត់ទុកចោលរថយន្ត “ក្លែងក្លាយ” ច្រើនថ្ងៃ
… ប៉ុន្តែស្នាដៃរបស់លោកពិតជាពូកែមែន! ព្រោះរថយន្តបានត្រូវប៉ូលិសល្បាត “បន្សល់” ទុកវិក័យប័ត្រពិន័យ១សន្លឹក ពីបទចតរថយន្តខុសច្បាប់។
Simon ពិតជាពុំនឹកស្មានថា រថយន្តនេះ បានរងការពិន័យពិតៗយ៉ាងដូច្នេះឡើយ។
លោកសរសេរ និងបង្ហោះរូបភាពនៃរឿងនេះ លើទំព័រ Facebook ថា ៖ “Muhahaha” ៕ ចន្ទ្រា
