ខេត្តព្រះសីហនុ ៖ រដ្ឋបាលខេត្តព្រះសីហនុ បានចេញសេចក្តីជូនដំណឹង ស្តីពី ចត្តាឡីស័កសុខាភិបាល រយៈពេល ១៤ថ្ងៃ មុនពេលអនុញ្ញាតឲ្យចូលបម្រេីការងារវិញ នៅខេត្តព្រះសីហនុ ។
តាមរយៈស្ថិតិតាមដានវត្តមានកម្មករនិយោជិត ក្នុងខេត្តព្រះសីហនុប្រចាំថ្ងៃ គិតចាប់ពីថ្ងៃទី១០-១៦ ខែមេសា ឆ្នាំ២០២០ មានកម្មករ និយោជិតអវត្តមានទាំងមានច្បាប់ ទាំងគ្មានច្បាប់អនុញ្ញាត សរុបចំនួន៨៤៤នាក់ ក្នុងនោះ តំបន់សេដ្ឋកិច្ចពិសេសក្រុងព្រះសីហនុ អវត្តមាន៥៣៧នាក់ តំបន់សេដ្ឋកិច្ចពិសេសខេបូឌាន ចេជាំង អវត្តមានចំនួន៣៧នាក់ តំបន់សេដ្ឋកិច្ចពិសេសកំពង់ផែក្រុងព្រះសីហនុ អវត្តមានចំនួន១៤នាក់ និងរោងចក្រក្រៅតំបន់សេដ្ឋកិច្ចពិសេស និងវិស័យផ្សេងៗ អវត្តមានចំនួន២៥៨នាក់។
សូមលោក លោកស្រីនាយក ម្ចាស់ ឫតំណាងសហគ្រាសគ្រឹះស្ថានទាំងអស់ ម្ចាស់ផ្ទះជួល និងបងប្អូនកម្មករនិយោជិតខ្លួនឯងផ្ទាល់សហការអនុវត្តវិធានការនេះអោយមានប្រសិទ្ធភាពខ្ពស់។
សូមបញ្ចាក់៖ មណ្ឌលដាក់ខ្លួនឲ្យដាច់ដោយឡែក ចត្តាឡីស័កសុខាភិបាល រយៈពេល១៤ថ្ងៃ មានទីតាំងស្ថិតនៅបរិវេណ វិទ្យាស្ថានពហុបច្ចេកទេសមិត្តភាពកម្ពុជា-ចិន (ក្នុងតំបន់សេដ្ឋកិច្ចពិសេសក្រុងព្រះសីហនុ) ៕ ដោយ៖បញ្ញាស័ក្តិ
