ភ្នំពេញ ៖ ថ្មីៗនេះ ក្រសួងអប់រំ យុវជន និងកីឡា បានសេចក្ដីណែនាំថ្មីមួយទៀត ដែលក្នុងសេចក្ដីណែនាំថ្មីនោះ បានអនុញ្ញាតឲ្យគ្រឹះស្ថានអប់រំឯកជន អាចរៀបចំការប្រឡងសញ្ញាបត្រមធ្យមសិក្សាបឋមភូមិ និងសញ្ញាបត្រមធ្យមសិក្សាទុតិយភូមិ តាមប្រព័ន្ធអនឡាញ។
ដោយឡែកចំពោះសិស្សានុសិស្ស ដែលសិក្សានៅសាលារដ្ឋ ហើយនឹងត្រូវប្រឡងសញ្ញាបត្រទាំងពីរនេះ ត្រូវរង់ចាំពិនិត្យមើលស្ថានការណ៍ នៃការរីករាលដាលជំងឺកូវីដ ១៩ សិន ថាតើនឹងវិវនៃឌ្ឍន៍ទៅយ៉ាងណាទៀត ក្រសួងនឹងជូនដំណឹងនៅពេលក្រោយ ។
ក្នុងអំឡុងពេលនៃការរីករាលដាលនៃជំងឺកូវីដ១៩ ក្រសួងអប់រំ សូមលើកទឹកចិត្តឲ្យគ្រឹះស្ថានសិក្សាឯកជនលើកកម្ពស់ការបង្រៀននិងរៀនតាមប្រព័ន្ធសិក្សាពីចម្ងាយ ឬប្រព័ន្ធអេឡិចត្រូនិក ដើម្បីផ្តល់ឱកាសឲ្យសិស្សានុសិស្សអាចបន្តការសិក្សា និងកាត់បន្ថយហានិភ័យដែលសិស្ស និស្សិតអាចនឹងប្រឈមមុខនៅពេលដែលគេទៅជួបជុំនៅកន្លែងដែលមានហានិភ័យខ្ពស់ ក្នុងគោលដៅចូលរួមចំណែកជាមួយរាជរដ្ឋាភិបាលកម្ពុជា ក្នុងការបង្ការនិងទប់ស្កាត់ការឆ្លង និងរីករាលដាលនៃជំងឺកូវីដ១៩៕ ដោយ៖កូឡាប
ព័ត៌មានលម្អិត សូមអានសេចក្តីណែនាំខាងក្រោម ៖
