ភ្នំពេញ៖ ប្រធានគណបក្សយុវជនកម្ពុជា និងជាសមាជិកឧត្តមក្រុមប្រឹក្សាពិគ្រោះនិងផ្តល់យោប់ បានរៀបរាប់ប្រាប់សាធារណជនដោយចំហថា មានបុរសម្នាក់ អាងខ្លួនជាមន្ត្រីអាវុធហត្ថ មកបំបិទសិទ្ធិលោក និងចេញសារហាមមិនឲ្យលោកឡាយនិយាយតាមហ្វេសប៊ុក ។ លោកពេជ្រ ស្រស់ ក៏បានស្នើសុំឯកឧត្តម សៅ សុខា មេបញ្ជាការកងរាជអាវុធហត្ថលើផ្ទៃប្រទេស ជួយពិនិត្យមើលមន្ត្រីម្នាក់នេះផង ។
ពាក់ព័ន្ធនឹងករណីខាងលើនេះនៅថ្ងៃទី១៨ខែមេសាឆ្នាំ២០២០ ឯកឧត្តមឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស សូមជម្រាប សាធារណជនជ្រាបថា “កងរាជអាវុធហត្ថ ជាអង្គការចាត់តាំងពិសេស បុគ្គលិកគ្រប់រូប ត្រូវរស់នៅធ្វើការ រៀនសូត្រ តាមច្បាប់ “។
លោកនាយឧត្តមសេនីយ៍ មេបញ្ជាការកងរាជអាវុធហត្ថលើផ្ទៃប្រទេស “ហាមបុគ្គលិកកងរាជអាវុធហត្ថលេងហ្វេសប៊ុក ដែលនាំឱ្យប៉ះពាល់ដល់ផលប្រយោជន៍សង្គមជាតិ ឬប៉ះពាល់ដល់សិទ្ធិសេរីភាពបុគ្គលដទៃ។ អាចធ្វើការផ្សព្វផ្សាយ សកម្មភាពរូបភាពបម្រើប្រជាជន និងប្រទេសជាតិ” ។
លោកពេជ្រ ស្រស់ ប្រធានគណបក្សយុវជនកម្ពុជា និងជាសមាជិកឧត្តមក្រុមប្រឹក្សាពិគ្រោះនិងផ្តល់យោប់ នៅថ្ងៃទី១៨ខែមេសាឆ្នាំ២០២០ បានសរសេររៀបរាប់ថា ” អាងខ្លួនជាមន្ត្រីអាវុធហត្ថមកបំបិទសិទ្ធិខ្ញុំ មិនឲ្យខ្ញុំឡាយនិយាយតាមហ្វេសប៊ុក ។ សូមឯកឧត្តម សៅ សុខា មេត្តាជួយពិនិត្យមើលមន្ត្រីម្នាក់នេះផង ក្នុងនាមខ្ញុំជាពលរដ្ឋម្នាក់ ក៏មានសិទ្ធិនិយាយស្តីដែរ “។
លោក ពេជ្រ ស្រស់ បានបញ្ជាក់បន្ថែមថា “ម្ចាស់ឈ្មោះ បាន ហ្សង់ដូណា បានទាក់ទងមកខ្ញុំរៀបរាប់ថា គឺមិនមែនរូបគាត់ទេ ដែល
ផ្ញើសារមកបំបិទសិទ្ធិរបស់ខ្ញុំមិនឲ្យនិយាយតាម Facebook នេះ ដោយគាត់បានលើកឡើងថា វិន័យកងកម្លាំង គឺតឹងរ៉ឹងណាស់ មិន
ឲ្យនិយាយអ្វីបំពានសិទ្ធិពលរដ្ឋ និងនិយាយបែបនយោបាយនោះទេ ហើយលោកនឹងដាក់ពាក្យប្តឹងស្វែងរកអ្នកយកឈ្មោះគាត់
មកគំរាមលើរូបខ្ញុំ។ ខ្ញុំមិនមែនចិត្តចង្អៀតទេ ប៉ុន្តែវាជារឿងមួយ ដែលលើសហួសពេកទើបខ្ញុំបង្ហោះឲ្យមេកើយ អាវុធហត្ថ បានជ្រាប
ប៉ុន្តែឥឡូវ ម្ចាស់ឈ្មោះ បានចេញមុខមកបដិសេធគឺជារឿងល្អ ដើម្បីកុំឲ្យមានការយល់ច្រឡំ”៕ដោយ៖កូឡាប
