ភ្នំពេញ៖ មន្ទីរពេទ្យខេត្តកែប បានឲ្យដឹងថា ថ្ងៃសៅរ៍ ទី ១៨ ខែ មេសា ឆ្នាំ ២០២០ នេះ ក្រុមមន្ត្រីទទួលបន្ទុកជំងឺកូវីដ១៩ នៃមន្ទីរពេទ្យខេត្តកែប បានផ្ទេរ អ្នកជំងឺកូវីដ១៩ ជនជាតិ ម៉ាឡេស៊ី ភេទប្រុស អាយុ ៦៦ ឆ្នាំម្នាក់ ពីបន្ទប់ដាច់ដោយឡែកនៃ មន្ទីរពេទ្យខេត្តកែប ទៅកាន់ បន្ទប់ព្យាបាលដាច់ដោយឡែក នៃ មន្ទីរពេទ្យមិត្តភាពខ្មែរសូវៀត (ហៅកាត់ពេទ្យរុស្ស៊ី) ។
មន្ទីរពេទ្យខេត្តកែប បានបន្តថា មូលហេតុដោយសារលទ្ធផលតេស្តរបស់គាត់ គឺនៅតែបន្តវិជ្ចមាន ( nCoV keeping positive) ។
គួរបញ្ចាក់ឡើងវិញផងដែលថា ជនជាតិម៉ាឡេស៊ីនេះ ចូលមក សម្រាកព្យាបាលនៅមន្ទីរពេទ្យខេត្តកែបជាមួយបុរសជនជាតិ ម៉ាឡេស៊ី ២ នាក់ផ្សេងទៀត កាលពីថ្ងៃទី ១៧ ខែ មីនា ឆ្នាំ ២០២០ ហើយបុរសទាំង២នោះបានជាសះស្បើយនិងត្រឡប់ទៅម៉ាឡេសុីវិញហើយ នៅឡើយតែគាត់ម្នាក់ដែលតេស្តនៅតែឃើញវិជ្ចមាន ដែលតម្រូវឲ្យបញ្ជូនទៅព្យាបាលបន្តនៅមន្ទីរពេទ្យថ្នាក់ជាតិ នាពេលនេះ។ អាស្រ័យដូចបានជម្រាបជូនខាងលើ សូមប្រជាជនទាំងអស់ ពិសេសប្រជាជននៅមូលដ្ឋានខេត្តកែបជ្រាបជាព័ត៌មាន៕
ដោយ៖កូឡាប
