នៅអ៊ីតាលី ឆ្មាមួយឈ្មោះថា Jerry ពិតជាមានសំណាងណាស់គ្រាដែលវាទទួលបានមរតក ជាសាច់ប្រាក់ 30.000អឺរ៉ូ (ប្រហែល 37.000USD)។
ឆ្មាដ៏មានសំណាង
ម្ចាស់របស់ Jerry ជាស្ត្រីម្នាក់ដែលស្រឡាញ់ចូលចិត្តសត្វឆ្មារបស់ខ្លួនណាស់។ វាគឺជាដួងព្រលឹងមួយសំខាន់ក្នុងជីវិតរបស់គាត់ ហេតុនេះក្នុងសំណេរមរតកអ្នកស្រី បានបន្សល់ទុកលុយមួយចំនួន ព្រមទាំងបណ្តាំដល់គ្រួសារថា ៖ សំណូមពរឲ្យពួកគេមើលថែ ព្យាបាលវាពេលឈឺថ្កាត់។
កូនស្រីរបស់អ្នកស្រីក៏ទទួលស្គាល់ថា ម្តាយរបស់ខ្លួនពិតជាស្រឡាញ់ Jerry ខ្លាំងជាងកូនចៅរបស់ខ្លួនទៅទៀត។
កាសែត La Stampa ឲ្យដឹងថា ជាក់ស្តែងឆ្មា Jerry វាបានទទួលភាព “រុងរឿង” ពីម្ចាស់យូរណាស់មកហើយ។ វាស៊ី១ថ្ងៃ ៤ពេល ហើយដេកលើគ្រែរបស់វា ដែលមានដល់ទៅ… ៤ឯណោះ៕ ចន្ទ្រា