ភ្នំពេញ៖ ស្ថានទូតអូស្ត្រាលីបានផលិតខិតប័ណ្ណសង្ខេបទាំងនេះ (Fact Sheets) រៀបរាប់ពីវិធីដែលអូស្ត្រាលី កំពុងផ្តល់ជំនួយសំដៅពង្រឹងអំណាច ប្រជាជនកម្ពុជា ក្នុងការដោះស្រាយបញ្ហា ប្រឈមទាំងឡាយ ដែលបណ្តលមកពីជំងឺកូវដី-១៩។ ស្ថានទូតអូស្ត្រាលីប្រចាំកម្ពុជា (Australian Embassy, Cambodia) កាលពីថ្ងៃទី២៧ ខែមេសា ឆ្នាំ២០២០។
ជំនួយរបស់អូស្ត្រាលី ត្រូវបានរៀបចំឡើងយ៉ាងត្រឹមត្រូវ និងផ្តោតលើការបង្កើតប្រព័ន្ធសង្គម ដែលកម្ពុជាត្រូវការ ដើម្បីដោះស្រាយប្រកបដោយប្រសិទ្ធភាព លើបញ្ហាសុខភាព សង្គម និងសេដ្ឋកិច្ចដែលបង្កដោយជំងឺរាតត្បាតពិភពលោកមួយនេះ។ តាមរយៈភាពជាដៃគូរយៈពេលយូរ លើវិស័យសុខាភិបាលនៅកម្ពុជា អូស្ត្រាលីបាន និងកំពុងតែផ្តល់ជំនួយជាទឹកប្រាក់ចំនួន ៥០លានដុល្លារ ដើម្បីកែលម្អបរិក្ខារពេទ្យ ហេដ្ឋារចនាសម្ព័ន្ធសុខាភិបាលសាធារណៈ និងធានាថាថវិកាសម្រាប់ការថែទាំសុខភាព ទៅដល់កន្លែងដែលត្រូវការបំផុត។
ជំនួយទាំងនោះ រាប់បបញ្ចូលទាំងការផ្តល់មូលនិធិសម្រាប់ទិញរថយន្តសង្គ្រោះបន្ទាន់ថ្មី ចំនួន ២០គ្រឿង និងជំនួយប្រតិបត្តិការកៀរគរការតាមដាន និងឆ្លើយតបនឹងជំងឺកូវីដ-១៩។ យើងក៏កំពុងធ្វើការជាមួយរាជរដ្ឋាភិបាលកម្ពុជា និងដៃគូដទៃទៀត ក្នុងការរៀបចំផែនការកញ្ចប់ជំរុញសេដ្ឋកិច្ច (economic stimulus packages) ដែលធានាដល់សន្តិសុខស្បៀង និងការផ្តល់ជំនួយ ដល់ជនងាយរងគ្រោះបំផុត ដែលបណ្តាលមកពីជំងឺកូវីដ-១៩ ។
ចាប់តាំងពីអូស្ត្រាលី បានជួយស្វែងរកសន្តិភាពដល់កម្ពុជានៅដើមទសវត្សរ៍ឆ្នាំ១៩៩០មក អូស្ត្រាលីបាន និងកំពុងផ្តល់ថវិកាជាង ៨០០លានដុល្លារអាមេរិក ដើម្បីគាំទ្រ/ទ្រទ្រង់ដល់ការអភិវឌ្ឍនៅកម្ពុជា។ អូស្ត្រាលី-កម្ពុជា នឹងបន្តសហការជាមួយគ្នា ក្នុងស្ថានភាពលំបាកទាំងនេះ៕ដោយ៖កូឡាប សូមអានបន្ថែមនៅក្នុង Fact Sheets!៖
