ថៃ៖ ខណៈពេលដែលកន្លែងហាត់ប្រាណនៅទូទាំងប្រទេសថៃ ត្រូវបានបញ្ជាឱ្យបិទជាផ្នែកមួយនៃគំនិតផ្តួចផ្តើមរបស់រដ្ឋាភិបាលក្នុងការប្រយុទ្ធប្រឆាំងទៅនឹងការផ្ទុះឡើងនៃវីរុសកូវី១៩នេះ ម្ចាស់អាជីវកម្មទុរេនម្នាក់បានគិតឃើញគំនិតមួយដោយជួលគ្រូៗបង្វឹកហាត់ប្រាណដែលកំពុងទំនេរការងារ ជាផ្នែកមួយនៃបុគ្គលិករបស់គាត់ ដើម្បីលក់និងដឹកជញ្ជូនទុរេនទៅឲ្យអតិថិជនដោយគ្មានអាវ។
ជាក់ស្តែង ផេកហ្វេសប៊ុកហាងផ្លែឈើទើបបង្កើតថ្មីមួយ របស់ម្ចាស់អាជីវកម្មខាងលើ បានទទួលការចាប់ចាប់អារម្មណ៍យ៉ាងខ្លាំងដោយមានអ្នកតានដាន (follower) រាប់ពាន់នាក់ បន្ទាប់ពីផេកនេះបានដាក់បង្ហាញរូបបុរសសាច់ដុំកង់ៗ លើកកាន់ រៀបចំទុរេន។
Bsamfruit ทุเรียนเดลิเวอรี่ ដែលជាផេកទើបត្រូវបានបង្កើតឡើងកាលពីថ្ងៃទី១១ ខែមេសា បានទាក់ទាញអ្នកតាមដានជាង ២៥០០ នាក់ ត្រឹមតែរយៈពេល ១៣ ថ្ងៃប៉ុណ្ណោះ ។ នេះបើយោងតាម Mothership។
ហាងផ្លែឈើថៃនេះមានទីតាំងនៅក្នុងខេត្តឈៀងម៉ៃ ហើយត្រូវបានបើកដំណើរការដោយម្ចាស់អាជីវកម្ម ដែលជាមេចុងភៅ នៃហាងអាហារមួយឈ្មោះ Bsamcook កាលពីថ្ងៃទី ២២ ខែមេសា។
លោកក៏បានបរិច្ចាគឃ្លាំងមួយ ដើម្បីផ្ទុកទុរេនទាំងអស់មកពីខេត្ត Chanthaburi និង Rayong។
មេចុងភៅរូបនេះមានគោលបំណងលក់ និងចែកចាយផ្លែឈើផ្សេងទៀតផងដែរ រួមមានផ្លែមង្ឃុត សាវម៉ាវ និងផ្លែស្វាយ៕
ប្រែសម្រួល៖ លឹម ហុង (ប្រភព៖ worldofbuzz, nextshark)