ភ្នំពេញ៖ លោក ប៉ោក ប៉ន អនុប្រធានតុលាការយោធា និងជាប្រធានអង្គសវនាការ បានសម្រេចនឹងប្រកាសសាលក្រម កាត់ទោសអតីតយោធា២នាក់ ដែលបានបោកប្រាស់ប្រជាពលរដ្ឋចំនួន ២៤៤នាក់ ថា នឹងបញ្ចូលក្នុងក្របខ័ណ្ឌ នៃកងយោធពលខេមរភូមិន្ទ នៅថ្ងៃទី៧ ខែឧសភា ឆ្នាំ២០២០ ។
តុលាការយោធាបានបើកសវនាការសួរដេញដោលជនជាប់ចោទចំនួន២នាក់ នៅព្រឹក នៅថ្ងៃទី២៨ ខែឧសភា ឆ្នាំ២០២០នេះ។ លោក ម៉ែន ហុង ព្រះរាជអាជ្ញារង តុលាការយោធា បានបន្តរក្សាបទចោទប្រកាន់អតីតយោធាទាំងពីរនាក់នេះដដែល គឺចោទបទ បង្កើតដោយខុសច្បាប់នូវកងកម្លាំងប្រដាប់អាវុធដោយគ្មានសិទ្ធិ និងគ្មានការអនុញ្ញាត ពីអាជ្ញាធរស្របច្បាប់ ប្រព្រឹត្តនៅខេត្តកំពង់ឆ្នាំង កំពង់ស្ពឺ និងរាជធានីភ្នំពេញ កាលពីអំឡុងឆ្នាំ២០១៦ ដល់ខែមិថុនា ឆ្នាំ២០១៨ បទល្មើសដែលមានចែងឲ្យផ្តន្ទាទោសតាមមាត្រា ៤៦៣ នៃក្រមព្រហ្មទណ្ឌ។។ ជនជាប់ចោទ២រូប រួមមាន៖ ទី១៖ ឈ្មោះ សុខ ប៊ុនធឿន ភេទប្រុស អាយុ៦៣ឆ្នាំ ជនជាតិខ្មែរ មុខរបរយោធា និងទី២៖ ឈ្មោះ រ័ត្ន ច័ន្ទមន្នី ហៅ ជ័យ មឿន ភេទប្រុស អាយុ៤៧ឆ្នាំ ជនជាតិខ្មែរ មុខរបរយោធា។
អតីតយោធាទាំងពីរនាក់ បោកប្រាស់ប្រជាពលរដ្ឋចំនួន ២៤៤នាក់ ថា នឹងបញ្ចូលក្នុងក្របខ័ណ្ឌ នៃកងយោធពលខេមរភូមិន្ទ ជាថ្នូរនឹងប្រាក់មួយចំនួនធំ៕ដោយ៖បញ្ញាស័ក្តិ
