ភ្នំពេញ ៖ នៅថ្ងៃអង្គារ ទី២៨ ខែមីនា ឆ្នាំ២០២០ ឯកឧត្តម អ៊ីវ លាង អគ្គាធិការ នៃអគ្គាធិការដ្ឋាន និងជាប្រធាន ក្រុមការងារ បើកកិច្ចប្រជុំពិភាក្សាក្រុមការងារស្រាវជ្រាវស៊ើបអង្កេតក្រុមហ៊ុនមួយ ពាក់ព័ន្ធនឹងការបើក អាជីវកម្មល្បែងភ្នាល់អុជកាំជ្រួច។ កន្លងមក មានសារព័ត៌មានមួយចំនួន បានចុះផ្សាយករណីល្បែងភ្នាល់ អុជកាំជ្រួចនេះបានបង្កការរំខាន និងធ្វើឲ្យបងប្អូនប្រជាពលរដ្ឋមានក្តីព្រួយបារម្ភពីសុវត្ថិភាព សុខភាព និង ហានិភ័យនានារបស់ខ្លួន ។
ដោយមានគិតគូរ និងយកចិត្តទុកដាក់ខ្ពស់ពីថ្នាក់ដឹកនាំក្រសួងមហាផ្ទៃ ជាពិសេសសម្តេចក្រឡាហោម
បានសម្រេចបង្កើតក្រុមការងារស្រាវជ្រាវនេះ ដោយមាន ឯកឧត្តម អ៊ីវ លាង អគ្គាធិការ នៃអគ្គាធិការដ្ឋាន
ជាប្រធានក្រុមការងារ ដឹកនាំបំពេញកិច្ចការនេះ និងមានការចូលរួមសហការពីអគ្គនាយកដ្ឋានពាក់ព័ន្ធ
មួយចំនួនចំណុះក្រសួងមហាផ្ទៃ ព្រមទាំងរដ្ឋបាលខេត្តឧត្តរមានជ័យ ។
កិច្ចប្រជុំនេះប្រព្រឹត្តទៅ នៅសាលប្រជុំរបស់អគ្គាធិការដ្ឋាន និង មានការអញ្ជើញចូលរួមពី ឯកឧត្តម
អភិបាលខេត្តឧត្តរមានជ័យ អគ្គាធិការរង អនុប្រធានក្រុមប្រឹក្សានីតិកម្ម អគ្គនាយករង នៃអគ្គនាយកដ្ឋាន
រដ្ឋបាល ប្រធាននាយកដ្ឋានគ្រប់គ្រងអាវុធជាតិផ្ទុះ លោកស្នងការខេត្តឧត្តរមានជ័យ អភិបាលស្រុកអន្លែង
វែង និងប្រធាននាយកដ្ឋាននៃអគ្គាធិការដ្ឋាន៕
ដោយ៖កូឡាប