ភ្នំពេញ ៖ នគរបាលស្រុកថ្មគោល បង្ក្រាបករណីក្មេងទំនើងមួយករណីឃាត់មនុស្សចំនួន ៥នាក់ ខណៈក្រុមក្មេងទំនើងកំពុងអង្គុយផឹកស៊ី និងប្រដាប់ដោយកាំបិតសាំម៉ូរៃ និងជិះម៉ូតូបំពាក់ដោយបំពង់ស៊ីម៉ាំងកែច្នៃឮកងរំពងផ្អើលអ្នកស្រុក។
កាលពីថ្ងៃព្រហស្បត្តិ ទី៣០ខែ មេសា ឆ្នាំ២០២០វេ លាម៉ោង១៥និង៣០នាទីនៅចំណុចក្រុម៨ ភូមិព្រៃលាវ ឃុំបន្សាយត្រែង ស្រុកថ្មគោល ខេត្តបាត់ដំបងដោយ អនុវត្តជាប់ជាប្រចាំនូវមតិណែនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាល ខេត្តបាត់ដំបង លោកវរសេនីយ៍ឯក ផង់ សុភាព អធិការនគរបាលស្រុកថ្មគោល ជំរុញដល់កម្លាំងអន្តរាគមន៍នៃ អធិការដ្ឋាននគរបាលស្រុកថ្មគោល បានបង្ក្រាបនិងឃាត់ខ្លួន ក្រុមក្មេងទំនើងកំពុងអង្គុយផឹកស៊ី និងប្រដាប់ដោយកាំបិតសាំម៉ូរៃ និងជិះម៉ូតូបំពាក់ដោយបំពង់ស៊ីម៉ាំងកែច្នៃ បានចំនួន០៥នាក់៖
១-ឈ្មោះផាន់ សំណាង ភេទប្រុស អាយុ១៨ឆ្នាំ រស់នៅភូមិថ្មីឃុំបន្សាយត្រែង ស្រុកថ្មគោល ខេត្តបាត់ដំបង ២-ឈ្មោះណាត ចិន ភេទប្រុស អាយុ១៥ឆ្នាំ រស់នៅភូមិស្ពាន ឃុំបន្សាយត្រែង ស្រុកថ្មគោល ខេត្តបាត់ដំបង ៣-ឈ្មោះជួន ប៊ុននី ភេទប្រុស អាយុ១៥ឆ្នាំ រស់នៅភូមិថ្មី ឃុំបន្សាយត្រែង ស្រុកថ្មគោល ខេត្តបាត់ដំបង ៤-ឈ្មោះរ៉ាត់ មករា ភេទប្រុស អាយុ១៥ឆ្នាំ រស់នៅភូមិថ្មី ឃុំបន្សាយត្រែង ស្រុកថ្មគោល ខេត្តបាត់ដំបង ៥-ឈ្មោះលឿន ឡុង ភេទប្រុស អាយុ១៥ឆ្នាំ រស់នៅភូមិព្រៃលាវ ឃុំបន្សាយត្រែង ស្រុកថ្មគោល ខេត្តបាត់ដំបង។ ដកហូតបានសម្ភារវត្ថុតាង កាំបិតចំនួន០៦ដើម ដំបងដែក០១ ម៉ូទ័រឆាប០១ ម៉ូតូចំនួន០២គ្រឿង(កែច្នៃបំពង់ស៊ីម៉ាំង)។
នៅក្រោយពេលនាំខ្លួន មកកាន់អធិការដ្ឋាននគរបាលស្រុក បានធ្វើកំណត់ហេតុសាកសួរ បំភ្លឺ និងចង់ដឹងអំពីគោលបំណង ដែលពួកគេប្រដាប់ដោយកាំបិត និងដាវដាក់តាមខ្លួនបែបនេះរួចមក សមត្ថកិច្ចនគរបាល បានធ្វើការអប់រំណែនាំ ដោយឲ្យឳពុក ម្តាយឬអ្នកអាណាព្យាបាល មកធ្វើការធានាធ្វើកិច្ចសន្យា បញ្ឈប់សកម្មភាពបែបនេះទៀត មុននឹងឲ្យវិលត្រឡប់ទៅលំនៅដ្ឋានវិញ។
សូមជម្រាបជូនថា បើទោះបីករណីខាងលើនេះ មិនទាន់មានបង្កនូវព្យសនកម្មណាមួយ ដែលនាំឲ្យមានការអន្តរាយ ទ្រព្យសម្បត្តិអាយុជីវិតប្រជាពលរដ្ឋក្នុងសង្គម ប៉ុន្តែវិធានការបង្ការបង្ក្រាបទុកជាមុន របស់មន្ត្រីនគរបាលនៅមូលដ្ឋាន គឺជាវិធានការសំខាន់បំផុត៕ ដោយ ៖ កូឡាប