ភ្នំពេញ៖ លទ្ធផលនៃការរឹតបន្តឹងអនុវត្តច្បាប់ ស្តីពីចរាចរណ៍របស់ការិយាល័យនគរបាលចរាចរណ៍ផ្លូវគោក នៅរាជធានីភ្នំពេញ សម្រាប់ថ្ងៃសៅរ៍ ទី២ ខែឧសភា ឆ្នាំ២០២០ (ចាប់ពីម៉ោង៧និង០០នាទី ដល់ម៉ោង១០និង០០នាទីព្រឹក) សរុបចំនួន ២៤០គ្រឿង។
+យានយន្តសរុបចំនួន ២៤០គ្រឿង
បទល្មើស(ការិយាល័យ) ៨៤គ្រឿង ៖
១- ម៉ូតូសរុបចំនួន ៧៥គ្រឿង ក. អត់មួក ចំនួន ៤១គ្រឿង ខ. ប័ណ្ណបើកបរ ចំនួន ០៤គ្រឿងគ. គ្មានផ្លាកលេខ ចំនួន ០៤គ្រឿង ឃ. ទូរស័ព្ទ ចំនួន ០១គ្រឿង ង. អត់កញ្ចក់ ចំនួន ០៦គ្រឿង ច. ឈប់លើគំនូស និងភ្លើង ចំនួន ០៩គ្រឿង ឆ. បញ្ច្រាស ចំនួន ០២គ្រឿង ជ. លើសចំណុះ ចំនួន ០៣គ្រឿង ឈ. កែច្នៃ ចំនួន ០៥គ្រឿង។
២- រថយន្តតូច ចំនួន ០៩គ្រឿង ក. គ្មានខ្សែក្រវាត់ ០៣គ្រឿង ខ. បើកបរប្រើទូរស័ព្ទ ០១គ្រឿង គ. មិនគោរពសញ្ញាចរាចរណ៍ ០២គ្រឿងឃ. បញ្ច្រាស ០៣គ្រឿង។
បទល្មើស(ខណ្ឌទាំង១៤) ១៥៦គ្រឿង ៖យានយន្តសរុប ចំនួន ១៥៦គ្រឿង – រថយន្ត ៤៧គ្រឿង – ម៉ូតូ ១០៩គ្រឿង ។
ស្នងការដ្ឋាននគរបាលរាជធានីភ្នំពេញ បានឲ្យដឹងថា ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ មានអនុសាសន៍ណែនាំថា ក្នុងការអនុវត្តរឹតបន្តឹងច្បាប់ចរាចរណ៍ផ្លូវគោក មន្ត្រីចរាចរណ៍ តាមគ្រប់គោលដៅត្រូវផ្តោតលើការត្រួតពិនិត្យម៉ូតូ តែ ៧ចំណុច និង រថយន្ត ៩ចំណុច ប៉ុណ្ណោះ ។
ចំណាត់ការត្រួតពិនិត្យ ចាប់ពីថ្ងៃទី១ខែឧសភា ឆ្នាំ២០២០តទៅ នឹងផ្តោតលើចំពោះយានយន្តដែលប្រព្រឹត្តល្មើស ជាករណីល្មើសដែលបង្កគ្រោះថ្នាក់ចរាចរណ៍ មិនមែនជាការត្រួតពិនិត្យទូទៅដូចជា ការត្រួតពិនិត្យរដ្ឋបាលនោះទេ។ ករណីល្មើសទាំងនេះរួមមាន ៖ ក)ចំពោះទោចក្រយានយន្ត ត្រីចក្រយានយន្ត ត្រីចក្រយានយន្តសណ្តោងរ៉ឺម៉ក និងម៉ូតូកង់បួន គឺមិនពាក់មួកសុវត្ថិភាព ៦ម៉ឺនរៀល មិនគោរពភ្លើងនិងស្លាកសញ្ញាចរាចរណ៍ ១០ម៉ឺនរៀល ល្មើសក្នុងការបត់ការវ៉ាជែង ១០ម៉ឺនរៀល ការដឹកលើសចំណុះ ១០ម៉ឺនរៀល ស្រវឹង ២៥ម៉ឺនដល់១លានរៀល គ្មានផ្លាកលេខ ១២ម៉ឺនរៀល ទូរស័ព្ទពេលបើកបរ ៨ម៉ឺនរៀល។
ខ)ចំពោះយានយន្តធុនស្រាល និងយានយន្តធុនធ្ងន់ ៖ ល្មើសល្បឿន ១២០០០០ដល់៦២៥០០០រៀល ស្រវឹង ៤០០០០០ដល់៤០០០០០០រៀល គ្មានប័ណ្ណបើកបរ ១២០០០០ដល់២៤០០០០០រៀល មិនគោរពភ្លើងនិងស្លាកសញ្ញាចរាចរណ៍ ១៥០០០០ដល់៣០០០០០រៀល ល្មើសក្នុងការបត់ ការវ៉ាជែង ១៥០០០០ដល់៣០០០០០រៀល មិនពាក់ខ្សែក្រវាត់សុវត្ថិភាព ៧៥០០០ដល់១៥០០០០រៀល ការដឹកលើសចំណុះ ១៥០០០០ដល់៣០០០០០រៀល គ្មានផ្លាកលេខ និងប័ណ្ណសម្គាល់ខ្លួន ១២០០០០០ដល់២៤០០០០០រៀល ទូរស័ព្ទពេលបើកបរ ១២០០០០ដល់២២៥០០០រៀល។
ស្នងការនគរបាលរាជធានី សូមអំពាវនាវដល់អ្នកប្រើប្រាស់ផ្លូវទាំងអស់ ចូលរួមគោរព អនុវត្តច្បាប់ចរាចរណ៍ផ្លូវគោក ដោយស្មារតីភ្ញាក់រលឹក និងទទួលខុសត្រូវ ដើម្បីសុវត្ថិភាពផ្ទាល់ខ្លួន និងអ្នកដទៃ៕ដោយ៖កូឡាប
