អាមេរិក៖ ភ្នាក់ងារនៃប៉ូលិសស៊ីវិល (PNC) បានរាយការណ៍កាលពីថ្ងៃចន្ទ អំពីការស្លាប់របស់អ្នកឃ្វាលគោម្នាក់ ដែលបានស្លាប់រួមជាមួយនឹងគោញី១ក្បាល យ៉ាងអាណោចអាធ័មជាទីបំផុត បន្ទាប់ពីគាត់បានទៅប៉ះនឹងខ្សែបង់បាញ់បង្គោលភ្លើង ដែលមានតង់ស្យង់ខ្ពស់ នៅលើដីមួយកន្លែងដែលមានទីតាំងស្ថិតនៅតំបន់ Texistepeque ក្នុងទីក្រុង Santa Ana រដ្ឋ California។
យោងតាមរបាយការណ៍របស់អាជ្ញាធរ បានឲ្យដឹងថា សាកសពបុរសនោះត្រូវបានឆេះ និងដាច់ជាបំណែក រួមជាមួយគោញីមួយក្បាលផងដែរ។
យោងតាមរបាយការណ៍របស់ប៉ូលិស បានឲ្យដឹងទៀតថា បុរសដែលមិនត្រូវបានគេស្គាល់អត្តសញ្ញាណ ត្រូវបានជឿថាបានទៅជិតខ្សែកាប្តិ៍ដែលនៅលើដី ខណៈពេលគាត់កំពុងឲ្យគោស៊ីស្មៅនៅក្បែរនោះ។
រូបភាពគួរឱ្យរន្ធត់នៃហេតុការណ៍នេះ បានចាប់ផ្តើមសាយភាយនៅលើបណ្តាញសង្គម ដោយបង្ហាញឲ្យពីសកម្មភាពចុះត្រួតពិនិត្យ របស់មន្ត្រីមូលដ្ឋាន ទៅលើជនរងគ្រោះ៕
ប្រែសម្រួល៖ លឹម ហុង (ប្រភព៖ escenariosv)