ភ្នំពេញ៖ នៅព្រឹកថ្ងៃចន្ទ ទី១១ ខែឧសភា ឆ្នាំ២០២០នេះ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ អញ្ជើញដឹកនាំកិច្ចប្រជុំផ្សព្វផ្សាយវិធានការពង្រឹងការអនុវត្តច្បាប់ស្តីពីចរាចរណ៍ផ្លូវគោក នៅអគ្គស្នងការដ្ឋាននគបាលជាតិ។
កិច្ចប្រជុំដ៏មានសារសំខាន់នេះ មានការចូលរួមពី អគ្គស្នងការរង ប្រធាន-អនុប្រធាននាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ស្នងការ-ស្នការរងទទួលផែនចរាចរណ៍ និងសណ្តាប់ធ្នាប់រាជធានី-ខេត្ត និងមន្ត្រីពាក់ពន្ធជាច្រើនរូបទៀត។
សូមបញ្ជាក់ថា អ្នកនាំពាក្យនៃអគ្គស្នងការដ្ឋាននគរបាលជាតិ មានកិត្តិយស សូមជម្រាបជូន សាធារណជន និងអ្នកប្រើប្រាស់ផ្លូវទាំងអស់ មេត្តាជ្រាបថា ៖ ក្នុងរយៈពេលដែលសមត្ថកិច្ចនគរបាលចរាចរណ៍កំពុងតែអនុវត្តវិធានការរឹងបន្តឹងអនុវត្តច្បាប់ចរាចរណ៍ផ្លូវគោក តាមស្មារតីអនុក្រឹត្យ៣៩ អនក្រ.បកចុះថ្ងៃទី១៧ ខែមីនា ឆ្នាំ២០២០ ស្រាប់តែមានប្រព័ន្ធ ទំនាក់ទំនងសង្គមមួយចំនួនបានបង្ហោះឃ្លីបសារសំឡេងរបស់ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ ដែលមានខ្លឹមសារថា «អគ្គស្នងការ នគរបាលជាតិប្រកាសលើកពេលពិន័យឡាន ម៉ូតូ ដែលគ្មានប័ណ្ណបើកបរ » ដោយការផ្សព្វផ្សាយនេះ នាំឲ្យអ្នកប្រើប្រាស់ផ្លូវមានការភ័ន្តច្រឡំ ចំពោះចំណាត់ការ របស់សមត្ថកិច្ច ៕ ដោយ៖កូឡាប
