បាត់ដំបង ៖ កម្លាំងប៉ូលិសការិយាល័យប្រឆាំងគ្រឿងញៀនខេត្តបាត់ដំបង បានចាប់ជនសង្ស័យចំនួន៦នាក់និងថ្នាំញៀនម៉ាទឹកកកចំនួន២៤ថង់ ជញ្ជីងថ្លឹងថ្នាំញៀនលក់មួយគ្រឿងនៅកន្លែងផ្សេងគ្នា ក្នុងស្រុកសំឡូត ស្រុកគាស់ក្រឡនិងស្រុករតនមណ្ឌលកសាងសំណុំរឿងបញ្ជួនទៅតុលាការ ដើម្បីចាត់ការទៅតាមផ្លូវច្បាប់នៅថ្ងៃទី១២ខែឧសភាឆ្នាំ២០២០។
ហេតុការណ៍ចាប់ឃាត់ខ្លួនជនសង្ស័យ៦នាក់នេះ បានធ្វើឡើងកាលពីថ្ងៃទី១១-១២ខែឧសភាឆ្នាំ២០២០នៅចំណុចផ្សេងគ្នាក្នុងស្រុកសំឡូត ស្រុកគាស់ក្រឡនិងស្រុករតនៈមណ្ឌលខេត្តបាត់ដំបង។
លោកសុខ និមលនាយការិយាល័យប្រឆាំងបទល្មើសគ្រឿងញៀនខេត្តបាត់ដំបង បានឲ្យដឹងថាជនសង្ស័យ៦នាក់ដែលចាប់ឃាត់ខ្លួន ករណីទី១ មានឈ្មោះមីន គ្រីយ៉ាហៅយ៉ាភេទប្រុស អាយុ២១ឆ្នាំមានទីលំនៅភូមិស្ដៅឃុំស្ដៅស្រុករតនមណ្ឌលខេត្តបាត់ដំបង។
ក្នុងប្រតិបត្តិការនេះ កម្លាងដកហូតវត្ថុតាងរួមមានថ្នាំញៀនប្រភេទមេតំហ្វេតាមីនម៉ាទឹកកកចំនួនមួយថង់ហើយចាប់ឃាត់ខ្លួនកាលពីម៉ោង១១និង១៥នាទីថ្ងៃទី១១ខែឧសភាឆ្នាំ២០២០នៅចំណុចភូមិស្ដៅឃុំស្ដៅស្រុករតនមណ្ឌលខេត្តបាត់ដំបង។ក្រោយពីសាកសួរឈ្មោះមីន គ្រីយ៉ាហៅយ៉ាកម្លាំងបានឈានទៅចាប់បុរសម្នាក់ទៀតឈ្មោះញ៉ែម សិលាហៅប៉ារីសភេទប្រុសអាយុ២៦ឆ្នាំរស់នៅភូមិបាណង់ឃុំស្ដៅស្រុករតនមណ្ឌលខេត្តបាត់ដំបង។ក្នុងប្រតិបត្តិការនេះ កម្លាងដកហូតវត្ថុតាងរួមមាន ថ្នាំញៀនប្រភេទមេតំហ្វេតាមីនម៉ាទឹកកកចំនួន២ថង់ ជញ្ជីងថ្លឹងថ្នាំញៀនមួយគ្រឿង សម្ភារសម្រាប់ប្រើប្រាស់ថ្នាំញៀនមួយចំនួនទៀតហើយចាប់ឃាត់ខ្លួនកាលពីម៉ោង១១និង១៥នាទីថ្ងៃទី១១ខែឧសភាឆ្នាំ២០២០នៅចំណុចភូមិស្ដៅឃុំស្ដៅស្រុករតនមណ្ឌលខេត្តបាត់ដំបង។
ករណីទី២ឈ្មោះឈន រ៉ាហៅចាន់ភេទប្រុសអាយុ២៣ឆ្នាំរស់នៅភូមិអូរសំរិលក្រោមឃុំអូរសំរិលស្រុកសំឡូតខេត្តបាត់ដំបង។ក្នុងប្រតិបត្តិការនេះ កម្លាងដកហូតវត្ថុតាងរួមមានថ្នាំញៀនប្រភេទមេតំហ្វេតាមីនម៉ាទឹកកកចំនួនមួយថង់ហើយចាប់ឃាត់ខ្លួនកាលពីម៉ោង១៥និង៣០នាទីថ្ងៃទី១១ខែឧសភាឆ្នាំ២០២០នៅចំណុចក្រុមទី០៩ភូមិស្រែជីពៅឃុំមានជ័យស្រុកសំឡូតខេត្តបាត់ដំបង។ក្រោយពីសាកសួរឈ្មោះឈន រ៉ាហៅចាន់ កម្លាំងបានឈានទៅចាប់បុរសម្នាក់ទៀតឈ្មោះមាន វិចិត្រហៅដូងភេទប្រុសអាយុ២៦ឆ្នាំរស់នៅភូមិស្រែជីពៅឃុំមានជ័យស្រុកសំឡូតខេត្តបាត់ដំបង។ក្នុងប្រតិបត្តិការនេះ កម្លាងដកហូតវត្ថុតាងរួមមានថ្នាំញៀនប្រភេទមេតំហ្វេតាមីនម៉ាទឹកកកចំនួន៣ថង់ សម្ភារសម្រាប់ប្រើប្រាស់ថ្នាំញៀនមួយចំនួនទៀតហើយចាប់ឃាត់ខ្លួនកាលពីម៉ោង១៦និង១០នាទីថ្ងៃទី១១ខែឧសភាឆ្នាំ២០២០នៅចំណុចក្រុមទី២០ភូមិស្រែជីពៅឃុំមានជ័យស្រុកសំឡូតខេត្តបាត់ដំបង។
ករណីទី៣ឈ្មោះ គិន គួន ភេទស្រីអាយុ៥៧ឆ្នាំ រស់នៅភូមិដំណាក់កកោះ ឃុំគាស់ក្រឡ ស្រុកគាស់ក្រឡ ខេត្តបាត់ដំបងនិងឈ្មោះ ឃុន ណារី ភេទស្រី អាយុ១៨ឆ្នាំ រស់នៅភូមិដំណាក់កកោះ ឃុំគាស់ក្រឡ ស្រុកគាស់ក្រឡខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំម៉ាទឹកកក១៧ថង់ សម្ភារប្រើប្រាស់ថ្នាំញៀនមួយចំនួនទៀត ហើយចាប់ឃាត់ខ្លួនកាលពីម៉ោង១០និង៣០នាទី ថ្ងៃទី១២ ខែឧសភា ឆ្នាំ២០២០ នៅចំណុចភូមិដំណាក់កកោះឃុំគាស់ក្រឡស្រុកគាស់ក្រឡខេត្តបាត់ដំបង។
លោកសុខ និមល បានបញ្ជាក់ថា កម្លាំងបានសហការជាមួយកម្លាំងប៉ូលិសស្រុកទាំង៣ ចុះបង្ក្រាបបានករណីរទាំង៣នេះហើយចាប់ឃាត់ខ្លួនជនសង្ស័យ៦នាក់និងវត្ថុតាងបានភ្លាមៗជាក់ស្ដែងតែម្ដង។
បច្ចុប្បន្ននេះ កម្លាំងបានកសាងសំណុំរឿងបញ្ជូនជនសង្ស័យនិងវត្ថុតាងទៅតុលាការ ដើម្បីចាត់ការទៅតាមផ្លូវច្បាប់នៅរសៀលថ្ងៃទី១២ ខែឧសភា ឆ្នាំ២០២០៕
ដោយ ៖ អ៊ុងសារុំ
