ឧត្តរមានជ័យ៖ ជនសង្ស័យដែលបង្កហឹង្សាមានស្ថានទម្ងន់នៅភ្នំពេញ ត្រូវនគរបាលឃាត់ខ្លួន ខណៈកំពុងលាក់ខ្លួន ស្ថិតនៅភូមិមួយ ក្បែរព្រំដែន នាភូមិអូរស្វាយ ឃុំអូរស្វាយ ស្រុកត្រពាំងប្រាសាទ ខេត្តឧត្ដរមានជ័យ កាលពីថ្ងៃទី១៣ ខែឧសភា ឆ្នាំ២០២០។
សមត្ថកិចនគរបាលការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តឧត្តរមានជ័យ សហការជាមួយនឹងកម្លាំងការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ចុះអនុវត្តដីកា របស់សាលាដំបូងរាជធានីភ្នំពេញ បានឱ្យដឹងថា ៖ ជនសង្ស័យ ឈ្មោះ ប្រាក់ តាណាន់ អាយុ២០ ឆ្នាំ រស់នៅផ្ទះលេខ២៣៣ ផ្លូវលំ ក្រុម៨ ភូមិទួលថ្ងាន់ សង្កាត់ទួលសង្កែ២ ខណ្ឌឫស្សីកែវ រាជធានីភ្នំពេញ។
ជនសង្ស័យបានបង្កហឹង្សាដោយចេតនាមានស្ថានទម្ងន់ កាលពីថ្ងៃទី៣០ ខែមេសា ឆ្នាំ២០២០កន្លងទៅ នៅម្តុំមុខផ្សារអីឌិនកាឌិន ស្ថិតនៅផ្លូវអ៊ែ៦ភូមិ១ សង្កាត់ស្រះចក ខណ្ឌដូនពេញ រាជធានីភ្នំពេញ ហើយបានរត់គេចខ្លួន ។
ទីបំផុតទើបសមត្ថកិច្ច ស្រាវជ្រាវរកឃើញថា ជនសង្ស័យទៅនៅចំណុចជើងភ្នំព្រំដែនមួយកន្លែង ក្នុងខេត្តឧត្តរមានជ័យ។
បច្ចុប្បន្នជនជាប់សង្ស័យ ត្រូវបញ្ជូនដល់កម្លាំងជំនាញ នៃសាមីកន្លែងជននេះបង្កហេតុ ដើម្បីចាត់ការបន្តតាមនីតិវិធី ៕
ដោយ ៖ បន្ទាយ