ខេត្តស្វាយរៀងៈ បុរសម្នាក់ត្រូវបានសមត្ថកិច្ច ធ្វើការឃាត់ខ្លួន ពាក់ព័ន្ធទៅនឹងការចែកចាយ និង ប្រើប្រាស់នូវសារធាតុញៀនខុសច្បាប់ ដែលហេតុការណ៍ខាងលើនេះ បានកើតឡើងកាលពីវេលា ម៉ោង១៦និង៦នាទី ថ្ងៃទី១៧ ខែឧសភា ឆ្នាំ២០២០។
សមត្ថកិច្ចបានឱ្យដឹងថាៈ បន្ទាប់ពីបានទទួលព័ត៌មានពីប្រជាពលរដ្ឋថា សង្ស័យមានការចែកចាយ និង ប្រើប្រាស់នូវសារធាតុញៀនខុសច្បាប់ នៅម្តុំទំនប់ទឹកក្បាលហុង ស្ថិតក្នុងភូមិដក់ពរ ឃុំជ្រៃធំ ស្រុករមាសហែក ខេត្តស្វាយរៀង អធិការនគរបាលស្រុក បញ្ជាកម្លាំងជំនាញនគរបាលស្រុករមាសហែក សហការជាមួយប៉ុស្ដិ៍នគរបាលរដ្ឋបាលជ្រៃធំ បានធ្វើការស្រាវជ្រាវ រហូតដល់ម៉ោង១៧និង៥៤នាទីល្ងាច ថ្ងៃខែឆ្នាំដដែល បានជួបជនសង្ស័យចំនួន១នាក់ នៅចំណុចទំនប់់ទឹក ក្បាលហុង មានឈ្មោះ រស់ សាម៉ៃ ភេទប្រុស អាយុ៤០ឆ្នាំ ជនជាតិខ្មែរ មុខរបរកសិករ រស់នៅភូមិត្រពាំងស្មាច់ឃុំជ្រៃធំ ស្រុករមាសហែក ខេត្តស្វាយរៀង និងបានឆែកលើដងខ្លួនជនសង្ស័យ រកឃើញដូចខាងក្រោម៖ ម្ស៉ៅក្រាមពណ៌ ស ថ្លាចំនួន ៧ កញ្ចប់តូច នៅក្នុងហោរប៉ៅខោខ្លីខាងក្នុង ទូរស័ព្ទដៃ ចំនួន ២ គ្រឿង អត្តសញ្ញាណប័ណ្ណផុតសុពលភាព១ សន្លឹក លទ្ធផលធ្វើតេស្ដទឹកម៉ូតស្វែងរកសារធាតុញៀនវិជ្ជមាន ។
បច្ចុប្បន្នជនសង្ស័យ ត្រូវបានបញ្ជូនមកកាន់អធិការដ្ឋាន នគរបាលលស្រុករមាសហែក ដើម្បីបង្កសំណុំរឿង ចាត់ការទៅតាមផ្លូវច្បាប់៕
ដោយ៖ វ៉ៃកូ
