ភ្នំពេញ៖ ការបួសក្នុងវិស័យព្រះពុទ្ធសាសនា ពិតជាមានសារសំខាន់ណាស់ ព្រោះថា បុគ្គលដែលបួស គឺមានឱកាស និងពេលវេលា ដើម្បីសិក្សារៀនសូត្របានជ្រៅជ្រះយ៉ាងច្រើន ។ ហេតុនេះ ធម៌វិន័យរបស់ព្រះពុទ្ធបានជួយអប់រំមនុស្សឲ្យប្រព្រឹត្តនូវអំពើល្អ ពីមនុស្សមិនល្អ កែប្រែក្លាយជាមនុស្សល្អនៅក្នុងសង្គម។ ប៉ុន្តែ ផ្ទុយទៅវិញ អ្នកបួសណាដែលបានប្រព្រឹត្តប្រាសចាកពីធម៌វិន័យព្រះពុទ្ធ ដូចជាការលួចទាក់ទងមានស្រីស្នេហ៍ ដើរបោកប្រាស់ជំនឿចិត្តពុទ្ធបរិស័ទ ប្រព្រឹត្តគ្រឿងញៀន ឬ ល្បែងស៊ីសងជាដើម នោះត្រូវបានហៅថា «ចោរថង់យាម» ឬ «សង្ឃទ្រូសសិល» ដែលយកព្រះពុទ្ធសាសនាធ្វើជាឈ្នាន់ ។
ទោះយ៉ាងណា សម្ដេចព្រះសង្ឃនាយក ប្រគេនមក ព្រះមេគណទាំង ២៥ រាជធានី-ខេត្ត ចាត់ការបន្តករណី ភិក្ខុ ឡុង ចាន់ថា ឃើញកន្លែងណាចាប់សឹកកន្លែងនោះ ។
ជាការពិតណាស់ កន្លងៗមក គឺកើតមានរឿងរ៉ាវសង្ឃ «ចោរថង់យាម» មួយចំនួន ដែលធ្វើឲ្យប្រជាពុទ្ធបរិស័ទសឹងតែអស់ជំនឿខ្លាំងតែម្តង ។ ជាក់ស្តែង ថ្មីៗនេះ សង្ឃមួយអង្គព្រះនាម ឡង់ ចន្ថា ដែលតែងលើកយករឿងរ៉ាវក្នុងសង្គមបែបលក្ខណៈជេរបញ្ចោរឥតទើសក្បាលអ្នកណា ជាជាងយកព្រះធម៌មកទេសនាមកអប់រំ ដូចព្រះសង្ឃដទៃ ដែលមើលទៅដូចជាមិនសរម្យទាល់តែសោះ បានធ្វើឲ្យមហាជនជាពិសេសលោកយាយលោកតាជាហ្វេនៗ សឹងតែមិនអាចទទួលយកបាន បន្ទាប់ពីផ្ទុះរឿងបែកធ្លាយសង្ឃរូបនេះលួចឆាតទាក់ទងគូដណ្តឹងគេ ដល់ថ្នាក់បបួលមកណាត់ជួបគ្នានៅមុខខ្លោងទ្វារវត្តភ្នំស្អាង បង្កឲ្យមានការភ្ញាក់ផ្អើល និងធ្វើឲ្យប៉ះពាល់តម្លៃព្រះពុទ្ធសាសនាយ៉ាងធ្ងន់ធ្ងរតែម្តង។
ក្រោយផ្ទុះរឿងអាស្រូវនេះឡើង ភ្លាមៗនោះ សង្ឃ ឡុង ចន្ថា ក៏បានចូលខ្លួនធ្វើលិខិតសន្យាថានឹងសឹកនៅថ្ងៃទី១៤ ខែឧសភា ឆ្នាំ២០២០ នៅចំពោះមុខមន្ត្រីសង្ឃថ្នាក់ខេត្ត។ តែទោះយ៉ាងណា លុះដល់ថ្ងៃកំណត់ ស្រាប់តែសង្ឃអង្គនេះ ប្តូរចិត្តមិនព្រមសឹក និងរត់គេចខ្លួនបាត់ស្រមោលរហូតមកដល់ពេលនេះ ដែលប្រភពមួយចំនួនបានសង្ស័យថា កំពុងលាក់ខ្លួននៅឯប្រទេសថៃ។
ដោយឡែកថ្មីៗនេះ ដោយសារតែអត់ទ្រាំពុំបាន នឹងទង្វើប្រាសចាកធម៌វិន័យ និងព្រមទាំងសម្តីសន្យាតែមាត់ តែចិត្តប្រែផ្សេងរបស់សង្ឃ ឡុង ចន្ថា ធ្វើបែបនេះ ស្រាប់តែស្រីស្អាតម្នាក់បានចេញវីដេអូនិយាយហែកហួរឡើងខ្ទេច រាលដាលដល់ចោរថង់យាមមួយចំនួនយ៉ាងសាហាវ ។ នាងថា មូលហេតុដែលសង្ឃ ឡុង ចន្ថា មិនព្រឹមសឹក គឺព្រោះតែបុគ្គលសង្ឃរូបនេះពុំទាន់សន្សំលុយគ្រប់ធ្វើផ្ទះ ហើយបើសឹកក៏មិនដឹងថាចេះធ្វើអ្វីដែរ មិនទៅលឺសែង ធ្វើស្រែចម្ការនាំឲ្យហត់នឿយនោះទេ ព្រោះធ្លាប់តែស្រណុកស្រួល……។ នាងក៏បាននិយាយទាំងហួសចិត្តផងដែរ ចំពោះលោកយាយលោកតាមួយចំនួន បូករួមទាំងឪពុម្តាយរបស់នាងផងដែរ ដែលមិនគួរណាចាញ់បោកយកលុយពីកូនចៅផ្តល់ឲ្យ ដែលខំប្រឹងទៅធ្វើការជាខ្ញុំនៅស្រុកគេហូរញើសឲ្យកក្រាក់ ទៅឲ្យពួកសង្ឃទ្រូសសិលមួយចំនួននេះសោះឡើយ «នាងមិននិយាយបូករួមសង្ឃដទៃដែលល្អៗនោះទេ»៕ ដោយ៖ លឹម ហុង
ដើម្បីជ្រាបច្បាស់ថាតើនាងបានបញ្ចេញកំហឹងក្នុងចិត្តគុំជាយួរដល់កម្រិតណា សូមទស្សនាវីដេអូខាងក្រោម៖