ភ្នំពេញ៖ ក្រោមការដឹកនាំរបស់អគ្គនាយកដ្ឋានសុខភាព និងសុវត្ថិភាពចំណីអាហារ (DG SANTE) របស់សហភាពអឺរ៉ុប (EU) និងក្រោមកិច្ចសហការជាមួយអគ្គនាយកដ្ឋានកសិកម្ម (GDA) នៃក្រសួងកសិកម្ម រុក្ខាប្រមាញ់ និងនេសាទ នៃព្រះរាជាណាចក្រកម្ពុជា ទីភ្នាក់ងារអ្នក ប្រើប្រាស់ សុខភាព និងចំណីអាហារ (CHAFEA) បានរៀបចំនូវសន្នីសីទ និងសិក្ខាសាលា ថ្នាក់តំបន់ ស្ដីពីផលិតផលរុក្ខជាតិ ក្នុងក្របខណ្ឌកិច្ចផ្ដួចផ្ដើមការបណ្ដុះបណ្ដាលប្រសើរជាង សម្រាប់សុវត្ថិភាពចំណីអាហារ។
ព្រឹត្តិការណ៍នេះបង្ហាញពីអ្នកជំនាញទាំងប្រាំរូបរបស់សហភាពអឺរ៉ុប ដែលអញ្ជើញមកពី រដ្ឋជាសមាជិកផ្សេងៗ ដែលធ្វើការលើផ្នែក សុខភាពរុក្ខជាតិ សារធាតុដែលបង្កផលប៉ះ ពាល់ដល់សុខភាព និងលក្ខណៈវិនិច្ឆ័យមីក្រូជីវសាស្ដ្រចំណីអាហារ។ ប្រទេសកម្ពុជាត្រូវ បានជ្រើសរើសជាប្រទេសម្ចាស់ផ្ទះ ខណៈពេលដែលបរិមាណនៃការនាំចេញផលិតផល កសិកម្មទៅកាន់ទីផ្សារសហភាពអឺរ៉ុបមានការកើនឡើង។
ប្រទេសជាសមាជិករបស់អាស៊ាន ព្រមទាំងតំណាងអាជ្ញាធរថ្នាក់ជាតិមកពីប្រទេសប៉ាគី ស្ថាន និងប្រទេសបង់ក្លាដែស បានចូលរួមក្នុងវគ្គសិក្ខាសាលាដែលប្រព្រឹត្តិទៅ ចាប់ពីថ្ងៃទី ២៣ ដល់ ២៦ ខែ មករា ឆ្នាំ ២០១៨។ កម្មវិធីនៅថ្ងៃទីមួយ ប្រព្រឹត្តិឡើងក្នុងទម្រង់ជា សន្នីសីទ ដែលមានការចូលរួមពីអ្នកតំណាងមកពីវិស័យឯកជនក្នុងព្រះរាជាណាចក្រកម្ពុជា ដែលធ្វើការទាក់ទងនឹងផលិតផលរុក្ខជាតិ។
សន្នីសីទនឹងផ្ដល់ទិដ្ឋភាពទូទៅនូវប្រព័ន្ធច្បាប់ស្ដីពីចំណីអាហារ និងការផ្គត់ផ្គង់ក្នុងសហ ភាពអឺរ៉ុប និងអនុញ្ញាតឲ្យសិក្ខាកាមក្នុងស្រុកទទួលបានចំណេះដឹងសំខាន់ៗសម្រាប់អ្នក នាំចេញទៅសហភាពអឺរ៉ុប។
ព្រឹតិ្តការណ៍នេះប្រព្រឹត្តិទៅនៅសណ្ឋាគារកាំបូឌីយ៉ាណា (Cambodiana Hotel) រាជធានី ភ្នំពេញ នៅតាមដងមេគង្គ ដែលអនុញ្ញាតឲ្យសក្ខាកាមអាចសិក្សាពីសក្ខាសាលាបានដោយ អារម្មណ៍ស្រស់ស្រាយ និងសន្ដិភាព។
សហភាពអ៊ឺរ៉ុបបានមានចំណងមិត្តភាពដ៏ជិតស្និទ្ធិ និងយូរអង្វែងជាមួយនឹងកម្ពុជា។ តាម រយៈជំនួយសម្រាប់ការអភិវឌ្ឍប្រកបដោយនិរន្តរភាព ការគាំទ្រដល់ដំណើរការប្រជាធិបតិយ្យ និងការប្ដេជ្ញាចិត្តបើកទីផ្សារសហភាពអឺរ៉ុបបានជួយដល់ប្រទេសកម្ពុជាក្នុងកិច្ចខំប្រឹងប្រែងដើម្បីកសាងអនាគតដ៏ត្រចេះត្រចង់សម្រាប់ប្រជាពលរដ្ឋរបស់ខ្លួន និងដើរតួរ យ៉ាងសកម្មក្នុងថ្នាក់តំបន់ ក៏ដូចជាថ្នាក់អន្តរជាតិដែរ៕ ដោយ៖កូឡាប
