Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ចេះតែ​មែន​ហ្មង​! បុរស​ម្នាក់​ចង់​បញ្ជាក់​ប្រសិទ្ធភាព​ថ្ម iPhone យកទៅ​ខាំ​ក្នុង​មាត់ មានអី​​ផ្ទុះ​​កក្រើក​ពេញ​​​ក្នុង​​ហាង (​មាន​វីដេអូ​)

spot_img

ករណី​ផ្ទុះ​ថ្ម​ទូរស័ព្ទ iPhone មិនមែនជា​រឿង​ចម្លែក​ទេ ជាក់ស្តែង វា​បាន​កើតឡើង​ជារឿយៗ​ទៅហើយ នៅក្នុង​បណ្តា​ប្រទេស​ដទៃទៀត ដែល​ត្រូវបាន​គេ​រាយការណ៍​ថា បណ្តាលមកពី​អ្នកបច្ចេកទេស​អសមត្ថភាព ។​

​ថ្មីៗ​នេះ នៅក្នុង​ប្រទេស​ចិន ករណី​មួយ​ទៀតហើយ នៃ​ការផ្ទុះ​ថ្ម​ទូរស័ព្ទ iPhone បានកើត​ឡើង ។ ទោះជា​យ៉ាងណាក៏ដោយ ពេលនេះ វា​ត្រូវបាន​គេ​រាយការណ៍​ថា មិនមែន​ដោយសារ​អ្នកបច្ចេកទេស​ដែល​មិនមាន​វិជ្ជាជីវៈ​ទេ ។ ចុះ​តើ​មកពី​មូលហេតុ​អ្វី​ទៅ​!?

​យោងតាម Oriental Daily, នោះ​តាមរយៈ​វីដេអូ​នៃ​កាមេរ៉ា CCTV នៅ​ហាង​លក់​កុំព្យូទ័រ​មួយ តាំងពី​ថ្ងៃទី​១៩ ខែមករា បានបង្ហាញ​ឲ្យ​ឃើញ​បុរស​វ័យក្មេង​ម្នាក់​លេចឡើង​នៅ​កន្លែង​លក់ ដើម្បី​ចង់បាន​ថ្ម​ថ្មី​ជំនួស​ឲ្យ​ថ្ម​ចាស់ iPhone របស់គាត់ ។​

​បន្ទាប់ពី​ទទួលបាន​ថ្ម​ថ្មី​នោះ​រួច គាត់​ចង់​ផ្ទៀងផ្ទាត់​ភាពត្រឹមត្រូវ​នៃ​ថ្ម ។ ទោះជា​យ៉ាងណា​គាត់​មាន​វិធី​គួរឱ្យ​ចាប់អារម្មណ៍ ដោយ​ការ​ខាំ​ថ្ម ។ គាត់​បានដាក់​វា​ចូលក្នុង​មាត់​របស់គាត់ និង​ខាំ​ថ្ម​ដោយ​ធ្មេញ​របស់គាត់​! ។​

​គ្រាន់តែ​នៅពេល​គាត់​ដក​ថ្ម​នោះ​ចេញពី​មាត់​ភ្លាម ស្រាប់តែ​ថ្ម​ជំនួស​នោះបាន​ផ្ទុះ​បែកផ្កាភ្លើង រាលដាល​ទៅកាន់​កន្លែង​ដទៃ ធ្វើ​ឲ្យ​មនុស្សម្នា​ក្នុង​ហាង​ភ័យស្ទើរ​លោះព្រលឹង​គ្រប់ៗ​គ្នា​តែម្តង ។ សំណាង​ណាស់ ដែល​បុរស​នោះ​ចេះ​ដកចេញ​ទាន់ពេលវេលា និង​ពុំ​បណ្តាល​ឲ្យ​អ្នក​ដទៃទៀត​រងរបួស ៕ ចន្ទី

spot_img
×