ភ្នំពេញ ៖ រថយន្តកុងតឺន័រមួយគ្រឿង បេីកឡេីងស្ពានព្រះមុន្នីវង្សចាស់ ក្នុងល្បឿនលឿនបានបួងចង្កូតខ្លាំងពេក បណ្ដាលឲ្យក្រឡាប់ផ្ញារជេីងម្ខាង រងការខូចខាតយ៉ាងដំណំ តែសំណាងល្អ មិនបង្កឲ្យមានបងប្អូនណាម្នាក់រងរបួសនោះទេ។ ហេតុការណ៍នេះបង្កការភ្ញាក់ផ្អេីលនៅវេលាម៉ោង ១២និង០០នាទីរំលងអធ្រាត្រ ឈានចូលថ្ងៃទី ៣០ខែ ឧសភា ឆ្នាំ២០២០ ស្ថិតនៅតាមបណ្ដោយផ្លូវជាតិលេខ១ ត្រង់ចំណុចលេីស្ពានព្រះមុន្នីវង្សចាស់ ក្នុងភូមិដេីមចាន់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុ បានឲ្យដឹងថា នៅមុនពេលកេីតហេតុ គេបានឃេីញរថយន្តកុងតឺន័រមួយគ្រឿង ក្បាលពណ៌ស ពាក់ផ្លាកលេខ ភ្នំពេញ 3C-8196 ធ្វេីដំណេីរតាមបណ្ដោយផ្លូវជាតិលេខ១ ឡេីងស្ពានព្រះមុន្នីចាស់(ស្ពានច្បារអំពៅ) ក្នុងទិសដៅពីកេីតទៅលិច បេីកបរក្នុងល្បឿនលឿន ខណៈមកដល់ចំណុចកេីតហេតុខាងលេី ដោយស្ថានភាពផ្លូវកោងផងនោះ បានបួងចង្កូតខ្លាំងពេក បណ្ដាលឲ្យរថយន្តក្រឡាប់ផ្ងារជេីងម្ខាង ហៀរប្រេងពេញផ្លូវ រងការខូចខាតយ៉ាងដំណំ ។ តែសំណាងល្អមិនបង្កឲ្យនរណាម្នាក់រងរបួសនោះទេ ។
ក្រោយពេលកេីតហេតុ សមត្ថកិច្ចមូលដ្ឋានបានចុះមកដល់ ដោយឃេីញថា មិនបង្កឲ្យនរណាម្នាក់រងរបួស និង មិនបង្កឲ្យខូចខាតដល់សម្បត្តិរដ្ឋ សមត្ថកិច្ចក៏បានឲ្យតំណាងរថយន្តកុងតឺន័រ ហៅរថយន្តមកស្ទូចយករថយន្តទៅជួសជុលដោយខ្លួនឯង ៕
ដោយ៖សាម៉េត
