ពីរោះ​ខ្លាំងណាស់​! ប្អូនស្រី​ម្នា​ក់នៅ​ស្រែ​ឃ្វាល​តែ​ក្របី តែមាន​ទឹកដម​សំឡេង​មិនធម្មតា រហូត​ធ្វើ​ឲ្យ​គ្រប់គ្នា​សរសើរ​ថា​…. (​វីដេអូ​)

​ប្អូនស្រី​ម្នាក់ បាននិងកំពុង​ទទួល​បានការ​ចាប់អារម្មណ៍ និង​កោតសរសើរ​ពុំ​ដាច់​ពី​មាត់​នោះទេ ពី​សំណាក់​បងប្អូន​អ្នកប្រើប្រាស់​បណ្តាញ​សង្គម​ហ្វេ​ស​ប៊ុ​ក ព្រោះតែ​ម្នាក់ៗ​ពុំ​នឹកស្មាន​ដល់​ថា ប្អូនស្រី​មាន​ទឹកដម​សំឡេង​ពីរោះ​ខ្លាំង​យ៉ាងនេះ ដែល​បើ​កុំ​ឃើញ​រូប​ពិត នោះ​ប្រាកដថា​មនុស្ស​ធំ​ជា​អ្នក​ច្រៀង ឬ ក៏​ជា​តារាចម្រៀង​អាជីព​ហើយ​មើលទៅ​។

​យ៉ាងណាមិញ វីដេអូ​ដំបូង​របស់​ប្អូនស្រី ដែល​បកស្រាយ​បទ​ចម្រៀង​ចំនួន​២​បទ ដែល​បទ​ទី​១- «​ត្រូវការ​កម្លាំងចិត្ត​» សំនៀង​ដើម​កញ្ញា រ៉េត ស៊ូ​ហ្សា​ណា និង​បទ​ទី​២- «​ដាំ​ចិត្ត​ស្មោះ ចាំ​ស្នេហ៍​ក្បត់​» សំនៀម​ដើម​របស់​កញ្ញា សុខ ពិសី ឃើញថា​មកទល់ពេលនេះ ទទួល​បានការ​ទស្សនា​ជាង 2.1 M ចូលចិត្ត (Liked) 84 K និង​ចែករំលែក 79,722 ដង​។​

​ប្អូនស្រី​ខាងលើ​ដែលមាន​ឈ្មោះថា ស្រីនូ ឬ​អ្នកលេង​ហ្វេ​ស​ប៊ុ​ក​ហៅថា យ៉ា​យ៉ា (​កូន​ពូ​ឈឿន​) ឆ្នាំនេះ​ប្អូនស្រី​អាយុ ១៣ ឆ្នាំ និង​បច្ចុប្បន្ន រស់នៅក្នុង​ស្រុក​សំឡូត ខេត្តបាត់ដំបង​។​

​ទន្ទឹម​នឹងមាន​ការសរសើ​រ​គ្រប់ៗ​គ្នា​ថា ពិតជា​រោះ​ណាស់ (Sweet Voice) ក្នុង​នោះគេ​ក៏បាន​លើក​ឡើ​ថា​៖ «​ឲ្យ​តែ​ចេញមក​សម្បុរ​ស្រអែមៗ សម្លេង​ធំ ហើយ​ថ្គាមខ្លា​អ៊ីចឹង គឺ​ដឹង​តែ​ច្រៀង​ពីរោះ​តែម្តង​» ។ ទោះយ៉ាងណា គ្រប់គ្នា​ក៏បាន​ជូនពរ​ឲ្យ​ប្អូនស្រី​ជួបតែ​សំណាងល្អ និង​ជោគជ័យ​នៅលើ​វិថី​សិល្បៈ​នា​ថ្ងៃ​អនាគត​៕

ដោយ​៖ លឹម ហុង​

​ចង់ដឹងថា ប្អូន​ស្រីនូ ច្រៀង​ពីរោះ​កម្រិតណា សូម​ទស្សនា​វីដេអូ​ខាងក្រោម​ទាំងអស់គ្នា​៖

​