តាកែវ ៖ ជនសង្ស័យម្នាក់ដែលប៉ូលិសស្រុកគីរីវង់ អះអាងថា ជាមុខសញ្ញាចាស់ ក្នុងការជួញដូរគ្រឿងញៀនយ៉ាងសកម្ម ត្រូវបានចាប់ខ្លួន កសាងសំណុំរឿងបញ្ជូនឡើងតុលាការ។
ជនសង្ស័យត្រូវបានចាប់ខ្លួននៅថ្ងៃទី៨ ខែមិថុនា ឆ្នាំ២០២០ វេលាម៉ោង២និង៣០នាទីរំលងអធ្រាត្រ ដោយកម្លាំងជំនាញ នៃអធិការដ្ឋាននគរបាលស្រុកគីរីវង់ នៅចំណុចកែងជុំមិត្ត ស្ថិតនៅភូមិពោធិ៍ខ្វិត ឃុំព្រះបាទជាន់ជុំ ស្រុកគីរីវង់ ខេត្តតាកែវ។
ជនសង្ស័យមានឈ្មោះ សែន ពិដែន ភេទប្រុស អាយុ២៦ឆ្នាំ មានទីលំនៅភូមិពោធិ៍ខ្វិត ឃុំព្រះបាទជាន់ ស្រុកគីរីវង់ ខេត្តតាកែវ(ជាមុខសញ្ញាសកម្ម)។ ចំណែកវត្ថុតាងដកហូតបានមាន ម្សៅក្រាមពណ៌សថ្លាចំនួន៦កញ្ចាប់តូច ម៉ូតូមួយគ្រឿង និងសម្ភារមួយចំនួន។
បច្ចុប្បន្នជនសង្ស័យខាងលើ ត្រូវបានកម្លាំងជំនាញ នៃអធិការនគរបាលស្រុកសាកសួរ ដើម្បីកសាងសំណុំរឿង បញ្ជូនទៅសាលាដំបូងខេត្តតាកែវ ចាត់ការតាមនីតិវិធី៕
ដោយ៖តាកែវ
