Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

បុរាណវិទ្យា​អេ​ស្ប៉ា​ញ​ម្នាក់ ជាប់គុក​ជាង​២​ឆ្នាំ ដោយសារតែ​ក្លែងបន្លំ​របប​គំហើញ​

spot_img

​អ្នក​បុរាណ​វិទូ​ជនជាតិ​អេ​ស្ប៉ា​ញ​ម្នាក់ ត្រូវបាន​កាត់ទោស​ឲ្យ​ជាក់​គុក​រយៈពេល​ជាង ២​ឆ្នាំ និង​ពិន័យ​ជា​ប្រាក់ ១៤.០០០​ដុល្លារ ដោយសារតែ​ក្លែងបន្លំ​ផ្នែក​ខ្លះ នៃ​របប​គំហើញ​របស់គាត់​។​

​លោក Eliseo Gil អតីត​ប្រធាន​ផ្នែក​ធ្វើ​កំណាយ​នៅ​ទីតាំង​បុរាណ​រូ​មាំ​ង​ឈ្មោះ Iruña-Veleia ត្រូវបាន​កាត់ទោស​ពីបទ​កាឡៃ​ការសរសេរ​របស់គាត់ ដែល​ពេលនោះ​ត្រូវបាន​គេ​ចាត់ទុកជា​ប្រវត្តិសាស្ត្រ តាមរយៈ​ខ្លួន​គាត់​ផ្ទាល់ ឬ​តាម​មនុស្ស​ទី ៣​។ នេះ​បើតាម​ឯកសារ​ផ្តន្ទាទោស​។​

​កាលពី​ឆ្នាំ ២០០៥ និង ២០០៦ លោក​បានប្រកាសថា ក្រុម​របស់គាត់​បានរ​ក​ឃើញ​វត្ថុ​ធ្វើ​ពី​ដីឥដ្ឋ​ជាច្រើន​នៅ​កន្លែង​នោះ ក្បែរ​ទីក្រុង Vitoria-Gasteiz ស្ថិតក្នុង​ប្រទេស​អេ​ស្ប៉ា​ញ​។ វត្ថុ​បុរាណ​ទាំងនោះ ត្រូវ​គាត់​និយាយថា មាន​អាយុកាល​នៅ​សតវត្ស​ទី ៣​មុន​គ្រឹ​ស្ត​សករាជ និង​មាន​អក្សរ​បុរាណ​អេ​ហ្សី​ប តំណាង​ឲ្យ​ឈើឆ្កាង និង​សញ្ញា​នៃ​ភាសា Basque​។ នេះ​បើតាម​ការចុះផ្សាយ​របស់​កាសែត​អេ​ស្ប៉ា​ញ El Pais​។​

​កាសែត​ចុះផ្សាយ​ទៀតថា នៅពេលនោះ ការរកឃើញ​ត្រូវបាន​គេ​ចាត់ទុកថា​ជា​បដិវត្តន៍ និង​ត្រូវបាន​គេ​គិតថា វា​បានបង្ហាញ​ពី​គំរូ​សរសេរ​ដំបូង​នៃ​ភាសា Basque ដែលមាន​អាយុកាល ៨០០​ឆ្នាំមុន​គំរូ​សរសេរ​មុនៗ​។​

​ប៉ុន្តែ ២​ឆ្នាំ​ក្រោយមក អ្នកជំនាញ​គណៈកម្មាធិកា​រវិ​ន័យ​នៃ​ភាសា​សាស្ត្រ ប្រវត្តិ​បុរាណ បុរាណវិទ្យា គីមីវិទ្យា និង​ភាសា​ស្ត្រ​បានចាត់ទុក​ការ​ឃើញ​នោះ​ថា​ក្លែងក្លាយ​។​

​អ្នកជំនាញ​ដែល​សិក្សា​ពី​វត្ថុ​ដែល​រកឃើញ​នោះ បាន​រកឃើញ​ពី​ភាពមិន​ស៊ីចង្វាក់​គ្នា ដូចជា​គ្មាន​លំដាប់​ភាសា ការប្រកប​ពាក្យ និង​ឈ្មោះ និង​ឃ្លា មិន​ស៊ីគ្នា​ជាមួយនឹង​ពេលវេលា​ដែល​ប៉ាន់ស្មាន​៕

​អត្ថបទ​ប្រែ​សម្រួល​ដោយ​៖ សុ​ភ័​ក្រ​
​ប្រភព​៖ CNN​

spot_img
×